МІНСК, 16 сне - Sputnik. Еўрасаюз ухваліў трэці пакет санкцый супраць беларускіх уладаў, паведаміла ў сваім Telegram-канале экс-кандыдат у прэзідэнты Беларусі Святлана Ціханоўская.
Пад санкцыі падпадуць 29 чалавек і сем юрыдычных асоб. Як паведамляецца, заўтра гэтая інфармацыя будзе апублікаваная ў афіцыйным часопісе Еўрасаюза.
Гаворка ідзе пра санкцыі ў дачыненні да чыноўнікаў і кампаній, якія, на погляд каманды Ціханоўскай, адказныя за фальсіфікацыю вынікаў прэзідэнцкіх выбараў і гвалт у дачыненні да ўдзельнікаў акцый пратэсту.
І гэта не апошні "чорны спіс", сцвярджае Ціханоўская. Наступны плануюць абмеркаваць у Еўропе на пачатку наступнага года.
Сёння экс-кандыдат абмеркавала новыя санкцыі з міністрам замежных спраў ЕС Жозэпам Барэлем. Гаворка ішла, у тым ліку, аб эканамічных мерах у дачыненні да тых, хто адказны за звальненні рабочых за палітычныя погляды.
Масавыя акцыі пратэсту пачаліся ў Беларусі 9 жніўня, пасля выбараў прэзідэнта, на якіх у шосты раз перамог Аляксандр Лукашэнка, які набраў, па дадзеных ЦВК, 80,1% галасоў. Апазіцыя лічыць, што перамагла Святлана Ціханоўская. Акцыі пратэсту працягваюцца да гэтага часу, найбольш маштабныя - па нядзелях.