Пры ўсёй радаснай карцінцы, якую прадставіў Белстат па выніках 10 месяцаў 2020 года, лічбы даследавання даходаў хатніх гаспадарак кажуць пра тое, што сотні тысяч беларусаў апынуліся бліжэй да зоны беднасці, чым у мінулым годзе, мяркуе вядомы беларускі палітык і эканаміст Яраслаў Раманчук.
Па словах эканаміста, "мы атрымалі першыя сігналы сур'ёзнага фінансавага крызісу, які ахоплівае адначасова бюджэт, рэальны сектар эканомікі і хатнія гаспадаркі".
"Амаль у 60% беларусаў няма зберажэнняў, альбо іх хопіць максімум на два месяцы. Гэта дае падставы меркаваць, што да канца зімы - пачатку вясны мы будзем мець вельмі трывожны збег фінансава-эканамічных фактараў", - адзначыў Раманчук.
Нагадаем, напярэдадні былі апублікаваныя дадзеныя Нацыянальнага статыстычнага камітэта рэспублікі за III квартал 2020 года, згодна з якімі штомесячны даход больш за 1 тысячу беларускіх рублёў у краіне маюць толькі 11,1% грамадзян, больш за 40% насельніцтва атрымлівае даход не больш за 500 рублёў у месяц, а за рысай беднасці пражывае 4,8% беларусаў.