МІНСК, 23 сне - Sputnik. Спецыялісты, якія працуюць у IT, змогуць атрымаць від на жыхарства ва Украіне ў больш кароткія тэрміны, адпаведнае рашэнне сёння прыняў кабінет міністраў краіны. Пасяджэнне транслявалася ў анлайн-рэжыме.
Рашэнне Кабміна Украіны распаўсюдзіцца таксама на членаў сем'яў IT-спецыялістаў. У кастрычніку гэтага года прэзідэнт краіны Уладзімір Зяленскі падпісаў указ аб спрашчэнні міграцыйных працэдур для айцішнікаў. Згодна з дакументам, спецыялісты могуць знаходзіцца ва Украіне да 180 дзён.
Дакумент, ухвалены кабмінам, вызначае скарочаныя тэрміны атрымання віду на жыхарства для грамадзянаў Беларусі, "якія з'яўляюцца прадпрымальнікамі, высокакваліфікаванымі спецыялістамі, у прыватнасці, спецыялістамі ў сферы інфармацыйных тэхналогій і інавацый" і членаў іх сем'яў.
У дакуменце падкрэсліваецца, што такія меры прыняты для людзей, "іміграцыя якіх адпавядае інтарэсам Украіны". Атрымаць неабходныя дакументы яны змогуць на працягу трох дзён.
Чытайце таксама:
- МЗС РБ: дзеянні Кіева прывялі да дэфіцыта даверу да ўкраінскіх калегаў
- Украінцам дазволілі прыязджаць у Беларусь на лячэнне насуперак закрытым межам