Прэзідэнт Беларусі Аляксандр Лукашэнка напярэдадні падпісаў указ №480 "Аб важнейшых параметрах прагнозу сацыяльна-эканамічнага развіцця Рэспублікі Беларусь на 2021 год", паведамілі ў прэс-службе беларускага лідара.
Дакумент арыентаваны на рост рэальных наяўных грашовых даходаў насельніцтва на ўзроўні 101,6%, (у параўнанні з 2020 годам), беспрацоўе не павінна перавысіць 4,2-4,4%, акрамя таго, павінна быць уведзена не менш за 1 млн. кв. м жылля, якое будуецца з дзяржпадтрымкай, таксама ўпершыню ўстаноўлены паказчык утрымання росту коштаў на сацыяльна значныя тавары на ўзроўні не больш за 104,9% (снежань 2021 года да снежня 2020 года).
Сваім меркаваннем аб выкананні параметраў 2020 года і перспектывах 2021-га са слухачамі радыё Sputnik падзяліўся вядомы беларускі эканаміст Яраслаў Раманчук.
"Яшчэ ў сярэдзіне года ўрад абяцаў выканаць прагнозы гэтага года, але гэтага не здарылася. Аб'ектыўна ў нас няма крыніц росту, нават цяперашняе мінімальнае зніжэнне ВУП мае вялікі кошт. Сёння неабходна працаваць адказна, лічыць грошы і думаць, як разняволіць эканоміку і стварыць гэтыя новыя крыніцы росту", - лічыць эканаміст.
Каментар вядомага беларускага эканаміста Яраслава Раманчука слухайце ў аўдыёзапісы на радыё Sputnik Беларусь.
*Меркаванне суразмоўцы можа не супадаць з пазіцыяй рэдакцыі Sputnik.