МІНСК, 5 сту – Sputnik. Беларускі прэзідэнт Аляксандр Лукашэнка павіншаваў з прафесійным святам сацыяльных работнікаў.
Тэкст віншавання быў апублікаваны на сайце Міністэрства працы і сацыяльнай абароны.
Звяртаючыся да сацыяльных работнікаў, Лукашэнка адзначыў, што яны абараняюць інтарэсы беларусаў і надаюць увагу тым, хто з-за розных абставін не можа паклапаціцца пра сябе сам. Гэта людзі з інваліднасцю, дзеці і старыя.
Беларусь, дадаў беларускі лідэр, сацыяльна арыентаваная дзяржава, якая грунтуецца на прынцыпах справядлівасці і гарантуе неабходную падтрымку кожнай сям'і, кожнаму чалавеку.
"Ад усёй душы жадаю вам моцнага здароўя, удачы ва ўсіх добрых пачынаннях, шчасця і дабрабыту", - звярнуўся Лукашэнка да сацыяльных работнікаў.
Закрануў прэзідэнт у сваім віншаванні і тэму пандэміі. Ён адзначыў, што сацработнікі валодаюць такімі якасцямі, як цярпенне, міласэрнасць, уменне суперажываць, якія вельмі каштоўныя пры ўсеагульнай барацьбе з каронавірусам.
Дзень сацыяльнага работніка адзначаецца ў рэспубліцы 5 студзеня з 1998 года.