МІНСК, 5 сту – Sputnik. Беларускія спецыялісты скончылі бурэнне свідравіны ў Палтаўскай вобласці Украіны, распавяла Sputnik прэс-сакратар ВА "Беларуснафта" Вольга Халадовіч.
Работы выконвалі беларускія буравікі з кампаніі "Сэрвіс Ойл", украінскай дачкі "Беларуснафты", для найбуйнейшай у краіне прыватнай газаздабыўной кампаніі - ДТЭК "Нафтагаз". Для будаўніцтва свідравіны на Мачухскім газакандэнсатным радовішчы ім спатрэбілася 136 сутак - гэта на месяц хутчэй праектнага тэрміну.
Работы выконваліся на нямецкім станку Bentec грузападымальнасцю 450 тон. Фактычная глыбіня 57-й Мачухскай свідравіны склала 5270 м. Пры правядзенні геолага-тэхнічных работ па яе асваенню атрыманы добры прыток газу - 300 тысяч кубаметраў у суткі з істотным патэнцыялам росту.
"Наступная задача беларускіх спецыялістаў - бурэнне свідравіны на Кавалеўска-Сулімаўскай нафтагазавай плошчы на Украіне", - адзначылі ў прэс-службе кампаніі.
Глыбіня вертыкальнай разведачнай свідравіны па праекце складае 5 450 метраў.
На балансе Беларуснафты знаходзіцца 61 радовішча, на дадзены момант эксплуатуецца 846 свідравін. Раней у кампаніі заявілі, што ў 2021 годзе плануюць засяродзіцца на пошукава-разведачных работах: стаіць амбіцыйная задача стабілізаваць здабычу нафты з 2023 года на ўзроўні 1 770 тысяч тон.
Чытайце таксама:
- Стала вядома, колькі "Белнафтахім" зарабіў на экспарце ў 2020 годзе
- "Белнафтахім" вырашыў, як будзе выстаўляць цэны на паліва ў 2021 годзе
- "Транснафта" у студзені паставіць у Беларусь 1,28 млн тон нафты