МІНСК, 31 сту – Sputnik. Знешні дзяржаўны доўг Беларусі за 2020 год вырас на 8,4% і складае 18,6 мільярда долараў, паведамляе прэс-служба міністэрства фінансаў рэспублікі.
"Знешні дзяржаўны доўг па стане на 1 студзеня 2021 года склаў 18,6 мільярда долараў ЗША, павялічыўшыся з пачатку года на 1,4 мільярда долараў ЗША (з улікам курсавых розніц), або на 8,4%", - гаворыцца ў паведамленні Мінфіна .
У ведамстве дадалі, што ў мінулым годзе Мінск прыцягнуў знешні дзяржзайм на суму 3 мільярды 146,9 мільёна долараў:
- 1 мільярд 391,5 мільёна долараў - аблігацыі, якія размяшчаюцца на знешніх фінрынках;
- 1 мільярд 51,1 мільёна долараў - ад урада і банкаў РФ;
- 500 мільёнаў долараў - ад ЕФСР;
- 126,2 мільёна долараў - ад Экспартна-імпартнага банка Кітая;
- 67,1 мільёна долараў - ад МБРР;
- 11 мільёнаў долараў - ад ЕБРР і СІБ.
Па дадзеных Мінфіна, пагашэнне знешняга дзярждоўгу ў 2020 годзе склала 1 мільярд 635,3 мільёна долараў. У ведамстве патлумачылі, з кім разлічвалася рэспубліка:
- 709,4 мільёна долараў пералічана ўраду і банкам РФ;
- 430,3 мільёна долараў - банкам Кітая;
- 376,9 мільёна долараў - ЕФСР;
- 112,3 мільёна долараў - МБРР;
- 3,6 мільёна долараў - Таварна-крэдытнай карпарацыі ЗША;
- 2,8 мільёна долараў - ЕБРР і СІБ.
Пры гэтым унутраны дзярждоўг па стане на 1 студзеня 2021 года склаў 9,9 мільярда беларускіх рублёў (каля 3,8 мільярда долараў па бягучым курсе), павялічыўшыся з пачатку года на 12,9%.
Такім чынам, як паведамляе ведамства, дзярждоўг Беларусі на 1 студзеня 2021 года склаў 57,8 мільярда беларускіх рублёў і павялічыўся ў параўнанні з пачаткам 2020 года на 29%.