МІНСК, 5 сак – Sputnik. Крымінальная справа ў дачыненні да давераных асоб былога кандыдата ў прэзідэнты Беларусі Святланы Ціханоўскай будзе разглядаць суд Чыгуначнага раёна Гомеля, паведамілі ў абласным судзе.
Згодна з матэрыяламі справы абвінавачаныя, дзейнічаючы па папярэдняй змове са Святланай Ціханоўскай 5 жніўня 2020 года правялі сустрэчу, на якой абмяркоўвалі план па арганізацыі масавых беспарадкаў у Гомелі, а таксама захопу будынкаў адміністрацый і выканкамаў, прызначэнні замест кіраўнікоў і старшынь сваіх людзей.
"Гомельскі абласны суд вызначыў, што справу аб падрыхтоўцы да захопу будынкаў выканкамаў і адміністрацый, будзе па сутнасці разглядаць суд Чыгуначнага раёна Гомеля", - паведамілі Sputnik у пятніцу ў судзе. Яна паступіла ў абласны суд з Генпракуратуры ў мінулы чацвер.
Следчыя ўстанавілі, што абвінавачаныя планавалі захапіць будынкі мясцовай вертыкалі, а на месца кіраўнікоў выканкамаў і райвыканкамаў прызначыць сваіх асоб. Акрамя гэтага, аднаму з абвінавачаных інкрымінавана публічная абразу прадстаўнікоў улады - супрацоўнікаў міліцыі.
Як раней паведамляла Генпракуратура, праваахоўныя органы спынілі супрацьпраўную дзейнасць і затрымалі абвінавачаных у перыяд з 6 па 8 жніўня 2020 года. З тых часоў яны знаходзяцца пад вартай.
Генеральная пракуратура Беларусі таксама накіравала ў адрас Генпракуратуры Літвы запыт аб выдачы Святланы Ціханоўскі для прыцягнення да крымінальнай адказнасці за злачынствы супраць парадку кіравання, грамадскай бяспекі і дзяржавы.
Дакументы на Ціханоўскую
Як заявіў міністр замежных спраў Літвы Габрыэлюс Ландсбергіс, абмяркоўваць запыт аб экстрадыцыі Ціханоўскай улады краіны не маюць намеру. Ён дадаў, што "хутчэй пекла пакрыецца лёдам, чым мы пачнем абмяркоўваць патрабаванне" (запыт Беларусі аб выдачы Ціханоўскай - Sputnik).
Пратэсты пасля выбараў
Прэзідэнцкія выбары прайшлі ў Беларусі 9 жніўня, на іх у шосты раз атрымаў перамогу Аляксандр Лукашэнка, ён набраў, па дадзеных ЦВК, 80,1% галасоў. У гэты ж дзень у Міенску і ў рэгіёнах пачаліся акцыі пратэсту, яны былі спалучаныя з беспарадкамі, для падаўлення якіх праваахоўнікі выкарыстоўвалі спецсродкі. Паступова пратэсты змянілі характар на лакальны, ужо ў лютым гэтага года КДБ заявіў, што становішча ў краіне стабілізавалася.
Апазіцыя лічыць, што на выбарах перамагла Ціханоўская і патрабуе правядзення новага галасавання. У дачыненні да шэрагу членаў створанага па ініцыятыве апазіцыі Каардынацыйнага савета распачаты крымінальныя справы, у тым ліку пра заклікі да захопу ўлады. Ціханоўская таксама з'яўляецца фігурантам справы аб спробе захопу ўлады, яна абвешчаная ў міждзяржаўны вышук як у Беларусі, так і ў Расіі.
Чытайце таксама:
- Генпракуратура накіравала Літве просьбу аб экстрадыцыі Ціханоўскай
- Тэрмін да 5 гадоў: у МУС РФ удакладнілі артыкул, па якім шукаюць Ціханоўскую
У Мінску затрымлівалі давераную асобу Святланы Ціханоўскай