МІНСК, 11 сак – Sputnik. Прэзідэнт Беларусі правёў кадравы дзень і пажадаў новым кіраўнікам будаваць Беларусь "такую, якую мы вырашылі пабудаваць на Усебеларускім народным сходзе".
Аляксандр Лукашэнка адзначыў, што ва ўладзе з'яўляецца ўсё больш людзей новага пакалення. Пры гэтым прэзідэнт падкрэсліў, што цяпер пасады атрымала "чарговая плеяда кіраўнікоў высокага ўзроўню".
"Мы практычна абнавілі ўсё кіраўніцтва краіны і ўзровень губернатара, ды і старшыняў райвыканкамаў на новых людзей. Вы новае пакаленне, і вам прымаць эстафету ў будучыні і будаваць Беларусь. Беларусь такую, якую мы вырашылі пабудаваць на Усебеларускім народным сходзе", - наказваў кіраўнік дзяржавы.
Ён нагадаў, што рашэнні, прынятыя на УНС, - арыенцір для кіраўнікоў усіх узроўняў, да якога ўсе павінны імкнуцца.
"Таму працы нам хопіць", - дадаў прэзідэнт, яго словы прывяла БелТА.
Сёння ў Аляксандра Лукашэнкі быў вялікі кадравы дзень. Прызначэнні адбыліся ў кіраўніцтве Узброеных сіл і Мінабароны, МНС, Мытным камітэце, прызначаны новы старшыня Следчага камітэта, а таксама намеснікі кіраўнікоў некаторых міністэрстваў і рэктары ВНУ.
Чытайце таксама:
- Лукашэнка прызначыў новага старшыню Следчага камітэта Рэспублікі Беларусь
- У Беларусі прызначаны новы міністр МНС