МІНСК, 15 сак – Sputnik. Выйшаў новы тэнісны рэйтынг Жаночай тэніснай асацыяцыі (WTA), у ім беларуска Арына Сабаленка засталася на 8-й пазіцыі, як і некалькі тыдняў таму.
На мінулым тыдні спартсменка дайшла да 1/4 фіналу на турніры ў Дубаі, дзе саступіла Мугурусе. Да гэтага тэнісісткі сустракаліся ў Катары ў 1/8, і там таксама мацнейшай была іспанка.
Пасля перамогі над Сабаленкай у Катары Гарбін’е павінна была выступіць з Азаранкай ў паўфінале, але беларуска знялася са спаборніцтваў з-за траўмы спіны. У Дубаі Вікторыя не выступала, з-за гэтага яна страціла адну пазіцыю ў сусветным рэйтынгу, апусціўшыся з 14-га на 15-ы радок. Зараз у яе актыве 3665 ачкоў.
Яшчэ адна беларуска Аляксандра Сасновіч таксама страціла адну пазіцыю і займае цяпер 97-е месца, у Вольгі Гаварцовай 140-ы радок, Вера Лапко на 281-м месцы.
Топ-3 застаўся без змяненняў: лідзіруе аўстралійка Эшлі Барці, за ёй японка Наомі Осака, на трэцім радку румынка Сімона Халеп.
Чытайце таксама:
- Сабаленка прайграла Мугурусе ў 1/4 фіналу турніру ў ААЭ
- Новы рэйтынг WTA: Сабаленка і Азаранка засталіся там жа, Герасімаў падняўся
- Сабаленка і Мертэнс выйгралі ў парным разрадзе Australian Open