Японцы маюць намер у 2021 годзе жыць поўным жыццём. Яны ўжо пачалі вырабляць паперу для алімпійскіх сертыфікатаў. Прычым, за справу ўзяліся вытворцы традыцыйнай японскай паперы - васі. Той самай, якую часам памылкова называюць рысавай.
У 2014 годзе васі стала адным з аб'ектаў нематэрыяльнай культурнай спадчыны ЮНЕСКА.
Матэрыял тонкі, але настолькі трывалы, што парваць такую паперу рукамі практычна немагчыма.
Вытворчасць працаёмкая, і маладыя людзі не заўсёды ахвотна бяруцца за справу. У пасёлку Дайго, дзе займаюцца вытворчасцю васі, сярэдні ўзрост занятых у гэтай справе людзей - семдзесят гадоў.
Папера, якую яны ствараюць, не толькі трывалая, але яшчэ і вельмі даўгавечная. Так што сертыфікаты, калі іх усё ж уручаць пераможцам, маглі б захоўвацца многія гады.
Алімпіяда ў Токіа павінна была прайсці год таму, але з-за пандэміі тэрміны правядзення ссунулі. Так што японцы чакаюць спартсменаў гэтым летам.
Глядзіце таксама:
- Лістоту паляць? Не трэба! Глядзіце, якую прыгажосць з яе можна зрабіць!
- Жыхар Краснаярска ператварыў пад'езд у арт-аб'ект - відэа
- Скульптар стварае творы мастацтва з металу ў стылі стымпанк - відэа