Самыя яркія вобразы чырвонай дарожкі "Оскара" - ад Хэпберн да Джолі

Одры Хэпберн ў сукенцы Givenchy з "Оскарам" за ролю ў фільме "Рымскія вакацыі", 1954 год. У фінальных кадрах стужкі актрыса з'яўляецца ў падобнай сукенцы, дызайнер зрабіў для яе такую ж - карункавую і вытанчаную.

Грэйс Кэллі і Марлон Брандо са статуэткамі "Оскар" у Лос-Анджэлесе, 1955 год. Любімая актрыса Хічкока і будучая княгіня Манака Грэйс Кэллі з'явілася тады ў сукенцы пяшчотна-зялёнага на шлейках, якая стала класікай гламура па-амерыканску.

Актрыса і спявачка Барбара Стрэйзанд у расшытым бліскаўкамі празрыстым касцюме Арнольда Сказі з "Оскарам" за ролю ў фільме "Смешная дзяўчынка", 1969 год. Тады эксцэнтрычны нарад прызналі самым безгустоўным, аднак насуперак гэтаму дызайнеру пасыпаліся заказы ад галівудскіх зорак.

Актрыса і спявачка Шэр у стварэнні дызайнера Боба Макі пазіруе з акцёрам Донам Амечы на цырымоніі ўручэння прэміі "Оскар" у Лос-Анджэлесе 1986 год. Эпатаваўшы публіку ў касцюме "індзейца", праз два гады яна з'явіцца за сваім "Оскарам" ва ўборы ўсходняй жанчыны ад гэтага ж дызайнера.

Муж і жонка Том Круз і Ніколь Кідман на 69-й цырымоніі ўручэння прэміі "Оскар". Для 1997 года выхад рудавалосай Ніколь у сукенцы складанага жоўтага з зялёным адлівам колеру і арыентальнымі матывамі ад Christian Dior быў зусім беспрэцэдэнтным. Мода чырвоных дарожак тады прадугледжвала толькі чорныя футляры і нюдавыя ўборы з шыфону. Аўтарам шэдэўра быў Джон Гальяна, які на той момант толькі-толькі заступіў на пасаду крэатыўнага дырэктара брэнда, што, дзякуючы гэтаму выхаду Кідман, атрымаў каласальную папулярнасць.

Актрыса Шэран Стоўн і рэжысёр Майк Ван Дзім на 70-й цырымоніі ўручэння прэміі Оскар, 1998 год. Толькі такая жанчына як Шэран з бездакорным густам магла здзівіць модных крытыкаў. Яна з'явілася на чырвонай дарожцы ў стылі casual - да ліловай спадніцы ад Веры Вонг яна падабрала простую белую кашулю Gap, якую, па яе ўласным прызнанні, запазычыла ў свайго тагачаснага мужа Філа Бранштэйна.

Спявачка і актрыса Б'ёрк у "лебядзінай" сукенцы дызайнера з Македоніі на цырымоніі ўручэння прэміі Оскар, 2001 год. Песня Б'ёрк з фільма "Танцуючая ў цемры" была намінавана на "Оскар". "Жудасны", "безгустоўны", "абуральны" - як толькі не называлі убор дызайнера Марджана Пежоскі, якому на момант стварэння сукенкі было ўсяго 15 гадоў.

Актрыса Джулія Робертс ў сукенцы Valentino атрымлівае прэмію "Оскар" за галоўную ролю ў фільме "Эрын Брокавіч", 2001 год. Чорная вінтажная аксамітавая сукенка з графічным шлейфам дагэтуль лічыцца вышэйшым пілатажам. Яна паўплывала на галівудскую традыцыю апранаць на ўрачыстасці выключна новыя ўборы.

Актрыса Холі Бэры ў сукенцы Elie Saab у 2002 годзе атрымлівала "Оскар" за лепшую жаночую ролю ў фільме "Баль монстраў". Бардовая сукенка з напаўпразрыстым ліфам, упрыгожаным кветкавай вышыўкай стала прыкладам гарманічнага спалучэння сэксуальнасці і "апранутасці" жанчыны, а ліванскага дызайнера Элі Сааба імгненна зрабіла галоўным куцюр'е вясельнай і вячэрняй моды.

Актрыса Хілары Суэнк са сваім мужам Чадам Лоў на цырымоніі ўручэння прэміі "Оскар", 2005 год. "Малышка на мільён" - за ролю ў гэтым фільме яна атрымала ў тым годзе статуэтку. І выглядала страшэнна ў сукенцы Guy Laroche колеру начнога неба з аголенай спіной.

Актрыса Наталі Портман аб'яўляе намінантаў на сцэне 77-й штогадовай цырымоніі ўручэння прэміі "Оскар", 2005 год. Яна падабрала мяккую і вытанчаную сукенку ад Ланвін і ў гэтым вобразе была неверагодна падобная на маладую Одры Хэпберн.

Актрыса Гвінет Пэлтроу на ўручэнні прэміі "Оскар", 2012 год, у беласнежным элегантным ансамблі Tom Ford - узор мінімалізму і бездакорнага стылю.

Анджэліна Джолі на чырвонай дарожцы "Оскара", 2012 год. У той год актрыса ўручала статуэтку за лепшыя сцэнарыі года. На сцэне і падчас пазіравання фатографам, яна дэманстравала сваю правую нагу, прычым рабіла гэта настолькі дакучліва, што ў выніку ўсе модныя крытыкі свету абмяркоўвалі менавіта гэты выпадак, а не ўборы знакамітасцяў. Сцэнарысты Нат Факсон і Джым Раш, якія атрымалі прыз з рук Джолі, зрабілі пародыю на яе позу прама на сцэне. Інтэрнэт напоўніўся мноствам фотожаб, а хтосьці нават стварыў спецыяльны акаўнт на Твітэры, які нібыта вядзецца правай нагой Анджэліны.

Джэніфер Лоўрэнс на цырымоніі ўручэння прэміі "Оскар", 2013 год. Далікатна ружовае тварэнне ад Christian Dior - самая дарагая сукенка за ўсю гісторыю "Оскара". І тое, што актрыса спатыкнулася, паднімаючыся ў пышнай сукенцы на сцэну за запаветнай статуэткай, зрабіла яе толькі даражэй.

У 2019-м зорка серыяла "Поза" Білі Портэр стаў самай абмяркоўваемай персонай на цырымоніі, засланіў усіх дам. Верх яго аблічча са смокінгам і матыльком цалкам адпавядаў дрэс-коду, а ніжэй пачыналася правакацыя: замест адпрасаваных штаноў - пышная доўгая спадніца. Незвычайны нарад, які справакаваў мноства фотожаб, прыдумаў амерыканскі мадэльер Крысціян Сірыяна, самы малады пераможца рэаліці-шоу "Подыум".