МІНСК, 5 тра - Sputnik. У Савеце рэспублікі прайшла рабочая нарада па пытанні падрыхтоўкі мерапрыемстваў VIII Форуму рэгіёнаў Беларусі і Расіі, паведамілі ў прэс-службе верхняй палаты беларускага парламента.
Тэмай чарговага маштабнага мерапрыемства, прысвечанага двухбаковаму супрацоўніцтву ў Саюзнай дзяржаве, стане "Навукова-тэхнічнае супрацоўніцтва Расіі і Беларусі ў эпоху цыфравізацыі".
"На чарговым пасяджэнні абмяркоўваліся ключавыя пытанні, якія датычацца арганізацыі правядзення секцый Форуму, іх напаўнення і зместу, фармату і месцаў правядзення", - удакладнілі ў Савеце рэспублікі.
У гэтым годзе ў рамках форуму будуць працаваць шэсць асноўных секцый, а таксама ў план уключана правядзенне моладзевага форуму дзвюх краін.
У мінулым годзе Форум рэгіёнаў Беларусі і Расіі праходзіў у Мінску, і зараз па праву чарговасці яго прыме Маскоўская вобласць.
Чытайце таксама: