МІНСК, 20 тра - Sputnik. Рашэннем суда Цэнтральнага раёна Мінска тэлеграм-каналы "НАШ ДОМ", "Игорь Макар.Официальный канал" і "НАШ ДОМ ТВ", а таксама youtube-каналы "НАШ ДОМ ТВ" і "Игорь Макар" прызнаны экстрэмісцкімі, паведаміла МУС Беларусі.
Матэрыялы ў суд перадалі
Падставай для судовага рашэння па гэтых рэсурсах сталі матэрыялы ГУБАЗіК МУС. Такім чынам, цяпер экстрэмісцкімі прызнаныя больш за 30 Telegram-каналаў і больш за 20 Telegram-чатаў.
"У сваіх відэароліках і пастах аўтары (адміністратары) заклікалі да ўдзелу ў несанкцыянаваных мітынгах, масавых беспарадках, у тым ліку па матывах палітычнай і ідэалагічнай варожасці, а таксама да захопу ўлады неканстытуцыйным шляхам і распальвання сацыяльнай варожасці паміж грамадзянамі Беларусі і прадстаўнікамі дзяржорганаў", - паведамілі Sputnik у МУС.
Акрамя гэтага, у дадзеных інфармацыйных прадуктах угледжаны заклікі да дзеянняў па дэстабілізацыі працы ЦВК, перашкаджэння законнай дзейнасці дзяржорганаў, а таксама абразлівыя каментары.
Пасля таго, як было вынесена рашэнне суда за публікацыю (рэпост) інфармацыі з названых інтэрнэт-рэсурсаў прадугледжана адміністрацыйная адказнасць і пакаранне аж да арышту.
Чытайце таксама: