МІНСК, 27 траўня - Sputnik. Еўрапейскі Саюз веласіпедыстаў (UEC) вырашыў адмяніць чэмпіянат Еўропы па веласіпедным спорце на трэку ў Мінску, паведамілі Sputnik ў Беларускай федэрацыі веласпорту (БФВС).
Пасяджэнне UEC прайшло ў Лазане. Прэзідэнт арганізацыі Энрыка Дэла Каса падзякаваў беларускаму боку і асабіста старшыні БФВС Наталлю Цылінскую за энтузіязм і падрыхтоўчую работу, а таксама важныя ініцыятывы па развіцці веласпорту ў Беларусі.
UEC шукае альтэрнатыўныя варыянты правядзення кантынентальных спаборніцтваў гэтага спартыўнага сезона, адзначыў прэзідэнт арганізацыі.
Напярэдадні пасяджэння праўлення UEC ад удзелу ў чэмпіянаце Еўропы ў Мінску адмовіліся зборныя Нідэрландаў, Германіі, Вялікабрытаніі, Літвы. Свае рашэнні яны абгрунтавалі меркаваннямі бяспекі.
Спаборніцтвы ў Мінску павінны былі адбыцца з 23 па 27 чэрвеня.
Чытайце таксама: