МІНСК, 31 тра - Sputnik. Трэнерскаму штабу зборнай Беларусі трэба перастаць шукаць апраўданні за вынік у памылках хакеістаў, яны павінны паверыць у гульцоў, даць ім гэта адчуць, заявіў старшыня Федэрацыі хакея Беларусі Дзмітрый Баскаў.
Паводле яго слоў, усе хакеісты ў нацыянальнай камандзе - прафесіяналы.
"Яны прыязджаюць у зборную не для таго, каб адпачыць пасля напружанага сезона - яны едуць туды на роўных змагацца з лепшымі хакеістамі свету, у лік якіх уваходзяць і самі", - прыводзіць словы Баскава ФХБ.
Ён падкрэсліў, што нягледзячы на крытыку з боку трэнераў нацкаманды, склад беларускай зборнай у гэтым годзе на сусветным форуме - адзін з наймацнейшых за апошнія гады.
Наступны матч спартсмены правядуць 1 чэрвеня супраць каманды Расіі. Баскову хацелася б, каб хакеісты і трэнеры ў гэтай сустрэчы "зноў адчулі сябе адной камандай".
"У першую чаргу, трэнерскі штаб павінен перастаць шукаць апраўданні за вынік у памылках гульцоў і даць хлопцам адчуць, што верыць у іх. Бо зрабіць з хакеістаў каманду - асноўная задача галоўнага трэнера нацыянальнай зборнай", - дадаў Баскаў.
Матч Расія - Беларусь на ЧС па хакеі
Старшыня ФХБ упэўнены, што сустрэча са зборнай Расіі 1 чэрвеня - магчымасць годна завяршыць ЧМ.
"Атрымалася ж у нас навязаць барацьбу Швецыі, Чэхіі, ды і ў іншых матчах шанцы зачапіцца меліся", - адзначыў Баскаў.
Беларусы ў турнірнай табліцы займаю апошняе месца ў групе А, набраўшы ўсяго чатыры ачкі ў шасці згуляных матчах. У прыватнасці, нацыянальная зборная па хакеі нічога не змагла супрацьпаставіць камандзе Швейцарыі на ЧС, прайграўшы з лікам 0:6.