МІНСК, 1 чэр - Sputnik. "Белавія" змяніла маршруты і кошт чартарных рэйсаў у Егіпет і Турцыю, паведамілі ў аўторак у прэс-службе кампаніі.
Там падкрэслілі, што перавозчыку прыйшлося перагледзець маршруты выканання чартэрных рэйсаў з-за уведзеных раней забарон на пралёт паветранай прасторы Украіны і іншых краін Еўропы. З-за гэтага значна павялічыўся палётны час, колькасць паліва на борце, а таксама выдаткі на аэранавігацыйнае абслугоўванне.
Улічваючы ўсё гэта, авіякампанія падвысіла кошт выканання турыстычных рэйсаў у Егіпет і Турцыю.
"Павышэнне кошту адбылося па прычынах, якія не залежаць ад авіякампаніі, і ў роўнай ступені было ўжыта да ўсіх заказчыкаў чартэрных рэйсаў", - удакладнілі ў "Белавія".
Наколькі падняліся цэны?
У "Белавія" распавялі Sputnik, што кошт білетаў на чартарныя рэйсы прызначаюць турагенты. У Турцыю цэны на самалёт падняліся на 40 еўра, у Егіпет - на 45 долараў.
"Усе турпакеты ўжо пералічаны і актуальны", - сказалі ў адной з турыстычных кампаній.
Прэзідэнт Беларусі ў аўторак падчас нарады па пытаннях супрацоўніцтва з Расіяй заявіў, што перад Мінтрансам пастаўлена задача: каб у калектыва "Белавія" была праца і яны былі ўпэўненымі, што дзяржава іх не пакіне.
Чытайце таксама: