МІНСК, 2 чэрвеня - Sputnik. Масавая выдача ID-карт і біяметрычных пашпартоў у Беларусі пачнецца 1 верасня, распавёў начальнік дэпартамента па грамадзянстве і міграцыі МУС Аляксей Бягун у мультымедыйным прэс-цэнтры Sputnik Беларусь.
ID-карты заменяць стандартныя пашпарты на тэрыторыі краіны, біяметрычныя дакументы ўводзяцца для паездак за мяжу. Ужо сёння беларусы масава звяртаюцца ў падраздзяленні па грамадзянстве і міграцыі па кансультацыю аб замене дзеючых дакументаў, якія сведчаць асобу. У МУС адразу папярэдзілі: атрымаць пашпарт з "прыгожай" камбінацыяй лічбаў, як на аўтамабільных нумарах, не атрымаецца.
"Працэс выдачы арганізаваны такім чынам, каб выключыць персанальны фактар супрацоўніка пры персаналізацыі адпаведных дакументаў. Гэта значыць, гэта ўсё робіць машына, праграмны прадукт. І які нумар патрапіць заяўніку, ні аператар, які здымае біяметрычныя дадзеныя, ні супрацоўнік, які працуе ў цэнтры персаналізацыі, не ведае", - адзначыў Бягун.
Номер документу компьютерная программа присваивает в случайном порядке, говорит Алексей Бегун
© Sputnik
Па словах спікера, нумар дакумента камп’ютарная праграма прысвойвае ў выпадковым парадку. Для таго, каб атрымаць пашпарт з адпаведнай камбінацыяй лічбаў, трэба спыніць увесь працэс.
"Але з улікам таго, што цэнтр персаналізацыі насельніцтва ў рэспубліцы будзе адзін, ён цэнтралізаваны і будзе абслугоўваць усе падраздзяленні па грамадзянстве і міграцыі, зрабіць рэальна гэта практычна будзе немагчыма", - распавёў ён.
Менавіта таму не выключана, што самы першы ў краіне біяметрычны пашпарт можа атрымаць любы грамадзянін Беларусі.
"Дакумент пад №1 ён у прынцыпе не атрымае, усё залежыць ад таго, у якое ён прыйдзе падраздзяленне на самай справе. 100, 1000 або мільённы дакумент, вядома, гэта магчыма", - рэзюмаваў Бягун.
Чытайце таксама: