МІНСК, 8 чэр - Sputnik. Аляксандр Лукашэнка правёў рабочую сустрэчу з кіраўніком Нацыянальнага алімпійскага камітэта, паведамляе БелТА.
Кіраўнік дзяржавы пацікавіўся ў Віктара Лукашэнкі станам спраў у спартыўнай галіне і падкрэсліў важнасць папулярызацыі масавага спорту ў рэгіёнах краіны.
"Назіраю за мерапрыемствамі, якія вы праводзіце з мясцовымі органамі ўлады. Здаецца нядрэнна атрымліваецца. Людзей, кажуць, вельмі шмат прысутнічае на іх", - сказаў Аляксандр Лукашэнка.
Ён адзначыў культурна-спартыўны фестываль "Вытокi", нядаўна арганізаваны ў Оршы. Да гэтага яго прымала Ліда, наперадзе Кобрын, Мазыр, Бабруйск, Жодзіна.
"Трэба ў гэтых гарадах, якія мы заўсёды абдзялялі увагай, пашанаваць людзей і правесці мерапрыемствы. Затым будзем глядзець на мерапрыемствы іншага плана", - заявіў прэзідэнт.
Асаблівая ўвага - падрыхтоўцы да перанесенай на год летняй Алімпіяды ў Токіа. Віктар Лукашэнка расказаў, што нашы атлеты заваявалі 98 ліцэнзій. У бліжэйшы час будзе сфарміраваны склад нацыянальнай каманды.
Падчас сустрэчы гаварылі не толькі пра спорт. Размова ішла і аб праектах, якія Віктар Лукашэнка курыраваў да таго, як узначаліў НАК. Іх прапанавана трымаць на кантролі да завяршэння. Таксама ўзнімалася тэма ўзаемадзеяння са спецпадраздзяленнямі (раней Віктар Лукашэнка быў памочнікам прэзідэнта па нацбяспекі - Sputnik).
Чытайце таксама: