МІНСК, 24 чэр - Sputnik. Міхаіл Гуцарыеў як паэт-песеннік недалічыцца аўтарскіх адлічэнняў за выкананне сваіх твораў у Еўропе, паведамляе РБК. Sputnik даведаўся, якія ўмовы ў гэтай сферы дзейнічаюць у Беларусі.
Складанне песень - хобі Міхаіла Гуцырыева. І яно не можа лічыцца ключавой крыніцай прыбытку. Тым не менш, абмежаванні ўскосна могуць закрануць і творчасць бізнэсмэна.
"Горкі смак бузіны"
Гуцарыеў у Расіі валодае сям'ю музычнымі радыёстанцыямі, аб'яднанымі ў холдынг Krutoy Media - па імяні прадзюсара Ігара Крутога. Яны транслююць у тым ліку песні на тэксты самога бізнэсмэна. Напрыклад, іх выконваюць Ала Пугачова, Рыгор Лепс, Наташа Каралева, Лайма Вайкуле, Стас Міхайлаў, Мікалай Баскаў. Love Story уваходзіць у рэпертуар Міхаіла Шуфутінскага, "Горкі смак бузіны" - Любові Успенскай, а "Вішнёвыя ружы" спяваў Іосіф Кабзон. Усяго на рахунку аўтара больш за 300 вершаў, пакладзеных на музыку.
У Еўропе ёсць рускамоўныя радыёстанцыі, эфір якіх запаўняе папулярная музыка. Усе еўрапейскія рахункі уключаных у санкцыйных спіс заблакуюць. Калі ў Гуцарыева ёсць дамова з арганізацыяй калектыўнага кіравання правамі ў ЕС, то яна, каб пазбегнуць магчымых праблем, павінна замарозіць грошы, прызначаныя Гуцарыеву, на спецыяльным рахунку і перастаць пералічваць раялці.
Калі грошы пераводзяцца ў расійскія арганізацыі адзіным плацяжом, а размяркоўваюць іх ужо ў Расіі, праблем з выплатамі быць не павінна.
Тэарэтычна радыёстанцыі могуць адлічваць аўтарскія "да запатрабавання", і грошы ўдасца забраць, калі абмежаванні здымуць.
Як працуе сістэма аўтарскіх адлічэнняў у Беларусі?
У Беларусі аўтарскія ўзнагароджанні пералічваюць па такой жа схеме. А абавязковае правіла 75 адсоткаў беларускай музыкі ў эфіры радыёстанцый патэнцыйна стварае ўмовы для таго, каб айчынныя паэты і кампазітары зараблялі. Важнае ўдакладненне: выканаўцы, калі яны не аўтары песень, узнагароджанне не атрымліваюць.
У нашай краіне структурай калектыўнага кіравання выступае Нацыянальны цэнтр інтэлектуальнай уласнасці. Па сутнасці, гэта пасярэднік, у тым ліку і пры ўзнікненні спрэчак і іх вырашэння ў судзе.
І аўтары, і радыёстанцыі складаюць з НЦІУ дагаворы. Першыя атрымліваюць персанальны рахунак, на які пералічваюцца сродкі, другія усталёўваюць умовы ўзаемадзеяння. "Прызавы фонд" фарміруецца з даходаў на рэкламу (5 адсоткаў) або афармляецца адзінай штомесячнай выплатай у 50 базавых велічынь для радыё і 5 базавых велічынь - для інтэрнэт-вяшчання.
Кожны месяц станцыі адпраўляюць у НЦІУ акт аб колькасці песень з указаннем сумы ўзнагароджання.
У лепшыя часы ва ўмовах запатрабаванасці (частага гучання) беларускія аўтары (і слоў, і музыкі) маглі атрымліваць да 300 долараў у месяц. Ёсць і тыя, хто доўгі час не забірае грошы. НЦІУ перыядычна публікуе справаздачы пра розныя аспекты інтэлектуальнага права, і асобныя раздзелы інфармуюць аб аўтарскіх адлічэннях.
Інтарэсы Гуцарыева ў Беларусі
У часопісе ЕС, пасля публікацыі ў якім рашэнні ўступаюць у сілу, Гуцарыеў названы "вядомым расійскім бізнэсмэнам, які мае дзелавыя інтарэсы ў Беларусі ў такіх сферах, як энергетыка, калійныя ўгнаенні, гасцінічны бізнес і іншыя".
Кампанія Гуцырыева "Славкалій" рэалізуе ў Беларусі маштабны інвестпраект па вытворчасці калійных угнаенняў. Ён ацэньваецца ў два мільярды долараў (1,4 мільярды фінансуе Банк развіцця Кітая).
Холдынг "Сафмар" праз падкантрольныя кампаніі пастаўляе ў Беларусь нафту, прычым пастаўкі працягваліся і падчас энергетычнага крызісу паміж Беларуссю і Расіяй у пачатку 2020 года.
Таксама Гуцарыеў актыўна ўкладвае сродкі ў беларускі IT-сектар.
Што прадугледжваюць санкцыі?
Чацвёрты пакет санкцый у дачыненні да Беларусі пачаў дзейнічаць 21 чэрвеня пасля апублікавання рашэння ў афіцыйным часопісе ЕС. Гаворка пра замарозку актываў яшчэ 8 прадпрыемстваў і 78 грамадзян. Еўрапейскім бізнесменам і кампаніям забаронена даваць сродкі тым, хто занесены ў спіс. Таксама уключаныя ў пералік не змогуць трапіць у краіны ЕС.
Абмежавальныя меры Еўрасаюза ў дачыненні да Беларусі цяпер распаўсюджваюцца на 166 фізічных і 15 юрыдычных асоб.
Новыя санкцыі сталі рэакцыяй на вымушаную пасадку самалёта Ryanair "Афіны - Вільнюс" 23 траўня. Лётчыкам паведамілі аб закладзенай бомбе, якую ў выніку не знайшлі. Аднак быў затрыманы Раман Пратасевіч - экс-галоўрэд Telegram-канала Nexta, прызнанага ў Беларусі экстрэмісцкім.