Made in USSR: легенды савецкага рока - 28.06.2021, Sputnik Беларусь

"Тусоўкай" ў СССР называлі групу людзей па інтарэсам, у нашым выпадку — аб'яднаных любоўю да рок-музыкі, якая знаходзілася ў глыбокім падполлі да сярэдзіны 1980-х. У памяць аб падзеях трыццацігадовай даўнасці беларускі фатограф Дзмітрый Елісееў перадаў Sputnik фотаздымкі рокераў тых гадоў. Малады Юрый Шаўчук, Глеб Самойлаў, Сяргей Чагракоў, Андрэй Макарэвіч і Віктар Цой, які сабраў цэлы стадыён "Дынама".

Фатограф Дзмітрый Елісееў супрацоўнічае з беларускай прэсай з 1988 года. Падчас працы наведваў музычныя канцэрты і фестывалі да і пасля развалу СССР. Падчас паездак у Маскву, Санкт-Пецярбург, Кіеў, Адэсу, Ташкент, Разань фатаграфаваў зорак айчыннай і замежнай эстрады.

Усе правы абаронены. Выкарыстанне фотаматэрыялаў толькі з пісьмовага дазволу Sputnik.

Чытайце таксама:

1 / 13

1989 год. Віктар Цой і група "Кино". Елісееву ўдалося патрапіць на мінскі стадыён Дынама, дзе выступаў Цой і зрабіць некалькі здымкаў.

2 / 13

"У Беларусі я, напэўна, быў адзіным, хто зрабіў кадры на тым канцэрце. Тое выступленне здымалася на відэа, але іншых фатографаў я там не бачыў", - успамінае Елісееў.

3 / 13

1991 год. Барыс Грабеншчыкоў, група Акварыум. Фота зроблена ў Санкт-Пецярбургу перад канцэртам. "БГ я люблю. Кожны раз чакаю з ім сустрэчы. На сённяшні дзень у маёй калекцыі фота Барыса Грабеншчыкова лідзіруюць па колькасці", - распавядае фатограф.

4 / 13

1983 год. Андрэй Макарэвіч, група "Машина времени". "З Андрэем мы сустрэліся ў Маскве перад канцэртам. Тады ж я яму прызнаўся, што слухаю "Машыну" з дзяцінства", - паведаміў Елісееў падрабязнасці аб фатаграфіі.

5 / 13

Андрэй Макарэвіч падчас выступлення ў Мінску.

6 / 13

1991 год. Група На-На і Андрэй Макарэвіч. Фатаграфія зроблена ў Маскве перад канцэртам. "Добра быць за кулісамі падчас выступленняў. Шмат каго бачыш і фатаграфуеш", - дзеліцца фатограф.

7 / 13

1988 год. Ілля Лагуценка, група "Мумий Тролль". Першыя гастролі групы ў беларускай сталіцы. "Ілля па сакрэце мне прызнаўся, што ад гэтай фатаграфіі ён сам "балдеет". Шчоўкнуў яго пасля інтэрв'ю, тады ж з ім і пазнаёміўся. З таго часу мне нярэдка даводзілася фатаграфаваць Іллю", - кажа Елісееў.

8 / 13

1990 год. Сяргей Чагракоў, група "Чиж & Co". "Сяргея я злавіў у грымёрцы мінскага Палаца Спорту перад выступленнем. Памятаю, як ён тады ўзрадаваўся, калі даведаўся, што на выступленне групы сабралася поўная зала", - узгадвае Елісееў.

9 / 13

1989 год. Яўген Хавтан, група "Браво". Музыкі выступалі ў Мінску. Іх галоўнай фірмовай фішкай заўсёды былі выдатныя тэксты. Яўгена ўдалося сфатаграфаваць прама на сцэне падчас выступлення.

10 / 13

1991 год. Вадзім Самойлаў, група "Агата Крысці". Фота зроблена ў грымёрцы мінскага Палацу Спорту. Па ўспамінах фатографа, перад канцэртам Вадзім быў як заўсёды задуменным, але нягледзячы на гэта шматслоўным.

11 / 13

1991. Яўген Маргуліс з музыкамі група "Воскресенье". Фота зроблена ў Мінску перад канцэртам, калі ўдзельнікі гурта давалі інтэрв'ю. Пакуль яны гутарылі з журналістамі, фатограф падлавіў момант, каб іх "пстрыкнуць".

12 / 13

1990 год. Арцемій Троіцкі, рок-журналіст і адзін з першых прапагандыстаў рок-музыкі ў СССР. Арцемію верылі ўсе мінулыя і цяперашнія рок-зоркі. Фота зроблена ў Маскве за кулісамі чарговага рок-канцэрта, якіх праходзіла сотні ў апошнія гады існавання СССР.

13 / 13

1991. Фатограф Дзмітрый Елісееў і музыкант Юрый Шаўчук, група "ДДТ". "Пасля канцэрту ў Санкт-Пецярбургу Юрый пагадзіўся са мной сфатаграфавацца", - распавядае Елісееў. "Гэта першае маё фота з ім. У наступныя гады мы часта сустракаліся пасля канцэртаў. Аднойчы ў 1997 годзе вячэралі ў яго ў офісе ў Піцеры на вуліцы Суворава", - успамінае фатограф.