МІНСК, 28 чэр - Sputnik. Перад Беларуссю і Расіяй стаіць задача стварыць адзіныя рынкі нафты, нафтапрадуктаў, газу, электраэнергіі, транспарту, уніфікаваць падатковае і мытнае заканадаўства да 1 студзені 2022 года, заявіў пасол Беларусі ў Расіі Уладзімір Сямашка падчас цырымоніі ўскладання вянкоў да Магілы Невядомага салдата ў Маскве.
"Мы цяпер знаходзімся ў прынцыпова новай стадыі. Сёння рэальна падышлі да таго, што нам трэба ўмацоўваць эканамічную базу Саюза Расіі і Беларусі", - цытуе дыпламата агенцтва БелТА.
Сямашка канстатаваў, што Беларусь займае чацвёртае месца сярод усіх гандлёвых партнёраў Расіі і прывёў лічбы: за студзень-травень 2021 года таваразварот паміж краінамі вырас на 30% у параўнанні з аналагічным леташнім перыядам. Беларускі экспарт у Расію павялічыўся на 20,8%.
Ён таксама нагадаў, што бакі завяршаюць працу над 28 інтэграцыйнымі картамі.
Раней пасол РФ у Беларусі Яўген Лук'янаў заявіў, што амаль усе дарожныя карты па інтэграцыі эканомік дзвюх краіны ўзгоднены, засталася толькі саюзная праграма, звязаная з энерганосьбітамі, коштамі і акцызамі.
Дарожныя карты Беларусі і Расіі
Ініцыятыва па інтэграцыі заканадаўства Беларусі і Расіі была прапанавана кіраўнікамі дзяржаў у 2019 годзе. Была сфарміравана міжурадавая група, якая падрыхтавала праект дарожных карт па розных пытаннях. Гэта кампрамісныя рашэнні па такіх напрамках, як, да прыкладу, пастаўкі нафты і газу, мытнае і падатковае рэгуляванне.
Чытайце таксама: