МІНСК, 1 ліп – Sputnik. Swedbank разблакіраваў рахункі санаторыя "Беларусь" у літоўскім Друскінінкаі, паведамляюць мясцовыя СМІ.
Праца здраўніцы была абмежавана больш за паўгода.
"Рахункі размарожаны. Мы сёння даведаліся. Зможам пачаць дзейнасць", - адзначыў старшыня працоўнага савета санаторыя "Беларусь" Уладзіслаў Шаруцкі.
Як паведамляюць літоўскія СМІ, мэр Друскінінкая Рычардас Малінаўскас пацвердзіў гэты факт і дадаў, што рахункі размарожаны пасля адыходу Віктара Шэймана з Кіраўніцтва справамі прэзідэнта Беларусі, падведамасным аб'ектам якога быў санаторый "Беларусь".
Супрацоўнікі ўжо выкліканы на работу, пры ўдалым збегу абставін паўнавартасна аднавіць працу кіраўніцтва здраўніцы плануе ў бліжэйшую суботу.
За што заблакіравалі "Беларусь"
17 снежня 2020 года ЕС увёў санкцыі супраць шэрага беларускіх чыноўнікаў і арганізацый. Увайшло ў гэты спіс, у тым ліку, і Кіраўніцтва справамі прэзідэнта.
Праблемы ў санаторыя "Беларусь" у Друскінінкаі пачаліся ўжо на наступны дзень: банк Swedbank заблакіраваў рахункі здраўніцы, І аргументаваў гэта як раз тым, што санаторый належыць Кіраўніцтву справамі.
Найбольш балюча санкцыі ўдарылі па супрацоўнікам, прычым грамадзянам Літвы: у санаторыі працаваў на той момант 391 чалавек, з іх 356 - літоўцы.
У траўні Вільнюскі акруговы суд адмовіў у часовым адкрыцці арыштаваных банкам Swedbank рахункаў санаторыя. Незадоўга да гэтага паведамлялася, што МЗС Літвы збіраецца звярнуцца да Беларусі з "прапановай аб пераняцці" санаторыя "Беларусь" у Друскінінкаі. Літва хацела выкупіць будынкі і фактычна ануляваць дагавор арэнды зямельнага ўчастка, які дастаўся Беларусі па дамове ад 6 лютага 1995 года.
Чытайце таксама:
Санаторый "Беларусь" у Друскінінкаі гатовы судзіцца з Літвой
Работнікі санаторыя "Беларусь" у Друскінінкаі адмовіліся сыходзіць з працы
Без гарантый і субсідый: як жывуць працаўнікі санаторыя "Беларусь" у Літве
МЗС: санкцыі Літвы супраць санаторыя "Беларусь" - крывадушнасць вышэйшай пробы