МІНСК, 2 ліп – Sputnik. Навальніцы, месцамі моцныя ліўні, у дзённы час – град, чакаюцца па паўднёвай частцы краіны ў суботу, 3 ліпеня. Акрамя таго, магчыма шквалістае ўзмацненне ветру парывамі да 15-20 м/с.
Тэмпература паветра ўначы будзе вагацца ад +13°С да +19°С, днём +20 .. + 26°С.
У сувязі з неспрыяльнымі ўмовамі надвор'я сіноптыкі аб'явілі на гэты дзень аранжавы ўзровень небяспекі.
Як у суботу, так і ў нядзелю, надвор'е будзе вызначацца вобласцю паніжанага атмасфернага ціску і франтальнымі раздзеламі.
У нядзелю таксама захаваюцца кароткачасовыя дажджы, у начны час яны пройдуць месцамі, а днём - на большай частцы тэрыторыі рэспублікі. У асобных раёнах прагрымяць навальніцы.
Вецер чакаецца паўночна-заходні, паўночны ўмераны, пры навальніцах - парывісты.
Тэмпература паветра ўначы апусціцца да +12 .. +19°С, днём можа падняцца да +21 .. +27°С.
Прахалода разам з моцнымі ліўнямі і ветрам прыйшла ў Беларусі на гэтым тыдні, змяніўшы анамальную спякоту. З-за вялікіх ападкаў у рэспубліцы былі зняты абмежаванні на наведванне лясоў - у пятніцу яны захаваліся толькі ў 7 раёнах краіны.
Чытайце таксама:
ААН распавяла пра сувязь каронавіруса і надвор'я
"Мальдывы" без ПЦР: куды паехаць у Беларусі на выхадныя
Нябеснае шоу: аблокі "сцякаюць" з гор і раствараюцца ў паветры