МІНСК, 7 ліп - Sputnik. Аляксандр Лукашэнка падпісаў указ аб стварэнні ў краіне фондаў развіцця будаўнічай галіны, паведамляе прэс-служба прэзідэнта Беларусі.
У адпаведнасці з дакументам з 1 верасня 2021 года да 31 снежня 2025 года павінны быць створаны рэспубліканскі і рэгіянальны фонды развіцця будаўнічай галіны.
"Яны будуць фарміравацца за кошт адлічэнняў у памеры 1% ад кошту работ, што выконваюцца падраднымі арганізацыямі ўсіх формаў уласнасці", - гаворыцца ва ўказе.
Там таксама сказана, што рэспубліканскі фонд развіцця будзе фарміравацца за кошт адлічэнняў ад кошту работ, выкананых падраднымі арганізацыямі Мінбудархітэктуры.
Механізм фарміравання рэгіянальных фондаў увязаны з коштам работ іншых будаўнічых прадпрыемстваў па месцы іх рэгістрацыі.
Дакументам таксама вызначана, што адлічэнні ў фонды не будуць ісці ад кошту работ па ўзвядзенню жылых дамоў, інжынернай і транспартнай інфраструктуры да раёнаў жылой забудовы (у тым ліку індывідуальнай), аб'ектаў за кошт бюджэтных і прыраўнаваных да іх сродкаў.
Грошы фондаў будуць выкарыстоўвацца для развіцця матэрыяльна-тэхнічнай базы будаўнічых арганізацый, набыцця будаўнічых машын і механізмаў, транспартных сродкаў, тэхналагічнага абсталявання, адзначылі ў прэзідэнцкай прэс-службе.
Чытайце таксама:
Лукашэнка спытаў у арабскага інвестара, ці ёсць жаданне працаваць у Беларусі
Лукашэнка пра развіццё Оршы: вы адкажаце за кожны квадратны метр
Падпісаны ўказ аб будаўніцтве "разумнага горада" у Мінску