МІНСК, 13 ліп – Sputnik. Беларусь застаецца для Расіі вялікім і надзейным партнёрам, заявіў прэзідэнт Расіі сёння на сустрэчы са сваім беларускім калегам у Санкт-Пецярбургу.
"Нягледзячы на каронавірус, на іншыя інфекцыі, у тым ліку звязаныя з вонкавымі выклікамі, я маю на ўвазе санкцыйныя ўсякія падзеі, рэспубліка абслугоўвае ўсе крэдыты", - асабліва адзначыў Уладзімір Пуцін.
Пасля чаго дадаў, што расійскі ўрад дакладваў яму пра тое, што "на 2,5% скараціўся знешні доўг Рэспублікі Беларусь. У гэтым сэнсе Беларусь надзейны стабільны партнёр".
У пацверджанне гэтаму ён прывёў дадзеныя аб тым, што ў разгар пандэміі ў мінулым годзе тавараабарот паміж Расіяй і Беларуссю скараціўся на 17%. У гэтым годзе ён значна вырас - на 37%.
Прэзідэнт Расіі падкрэсліў, што золатавалютныя рэзервы Беларусі перавышаюць неабходны ўзровень для абслугоўвання знешнегандлёвых аперацый.
Уладзімір Пуцін прапанаваў беларускаму калегу падчас сустрэчы падвесці вынікі па пытаннях, якія прапрацоўвалі на ўзроўні ўрадаў двух краін.
"Мне ўрад, як я ўжо казаў, дакладваў і ўчора, і сёння з раніцы яшчэ, даведкі чытаў. Ну і паглядзець, па якіх напрамках, як мы павінны рухацца далей", - удакладніў ён.
Чытайце таксама:
Пуцін: Расія акажа дапамогу Беларусі ва ўмовах санкцый
Макей: мы проста абавязаны выканаць дамову аб Саюзнай дзяржаве
Пяскоў: нягледзячы на Саюзную дзяржаву, Беларусь - суверэнная краіна
Качанава: Беларусь і Расія павінны разам супрацьстаяць санкцыям