Арсен Авакаў вырашыў пакінуць пасаду міністра ўнутраных спраў Украіны, якую займаў з 2014 года - з моманту звяржэння прэзідэнта Януковіча. Вярхоўная Рада разгледзіць заяву кіраўніка МУС у чацвер, 15 ліпеня.
Узначальваючы МУС пры Парашэнку і застаўшыся на пасадзе з прыходам Зяленскага, Авакаў удала ўпісаўся ва ўкраінскі палітычны ландшафт, аказваючы сур'ёзны ўплыў як на палітычныя, так і на эканамічныя працэсы ў краіне.
Разабрацца ў няпростых унутрыўкраінскіх палітычных раскладах слухачам радыё Sputnik дапамагла палітолаг Яніна Сакалоўская.
"Канфлікт кіраўніка МУС Авакава з прэзідэнтам даўно наспяваў, але яго хавалі да таго моманту, пакуль Зяленскі не вырашыў увесці праз Савет нацыянальнай бяспекі і абароны санкцыі супраць партнёра Авакава Паўла Фукса. На выбарах у Харкаве яму трэба правесці свайго чалавека на ролю мэра і менавіта гэтаму і перашкодзяць санкцыі, таму што яны блакіруюць усе фінансавыя магчымасці Фукса. І гэтага Авакаў ужо не стрываў, ён вырашыў сыходзіць гучна - разам з ім пойдуць усе тыя батальёны, якія раней ваявалі на Данбасе, а потым былі ўзятыя пад кантроль МУС. Але пад кантролем яны былі асабіста ў Авакава, яны не апынуцца пад кантролем у новага міністра МУС. Больш за тое, Харкаў стане базай для ўсіх пратэстных рухаў - для ўсіх, хто супраць Зяленскага".
Цяпер ужо зразумела, што гістарычна першая сталіца Харкаў стане першай сталіцай пратэстаў ва Украіне, дадае палітолаг.
"Авакаў вельмі ўмела лавіраваў паміж батальёнамі, якія вярнуліся з фронту, паміж разнастайнымі пратэстнымі плынямі, ён утрымліваў канфлікты ад гарачых стадый, а канфлікты адбываюцца ў Кіеве пастаянна і рэгулярна. Цяпер гэта будзе рабіць няма каму", - кажа Сакалоўская.
Жаданне ўкраінцаў "біцца сценка на сценку", цяпер ніхто не будзе стрымліваць і ўціхамірваць, і вось тады сапраўды ва ўсіх "затрашчаць чубы", мяркуе эксперт.
Чытайце таксама:
У МЗС РФ пракаменціравалі ідэю аб пераносе пляцоўкі перамоў па Данбасе
Прамыя кантакты: у Лукашэнкі і Пуціна падобны погляд на Данбас
Кіеў не адправіць членаў кантактнай групы па Данбасе ў Мінск - Рэзнікаў