МІНСК, 14 ліп - Sputnik. Цана на газ для Беларусі ў 2022 годзе не будзе індэксавацца і захаваецца на ўзроўні 2021-га, пра гэта дамовіліся прэзыдэнты Расіі і Беларусі Уладзімір Пуцін і Аляксандр Лукашэнка, заявіў журналістам прэс-сакратар прэзідэнта РФ Дзмітрый Пяскоў.
Беларускі лідэр адправіўся ў паўночную сталіцу РФ у аўторак 13 ліпеня. Як заявілі ў прэс-службе Лукашэнкі, дамоўленасць аб асабістай сустрэчы была дасягнута яшчэ 1 ліпеня падчас тэлефоннай размовы паміж кіраўнікамі дзяржаў. Гутарка з перапынкам на сумесны абед доўжылася 5 гадзін і 20 хвілін.
Як распавёў Пяскоў, кіраўнікі дзяржаў у пачатку сустрэчы абмеркавалі сітуацыю ў эканоміцы і закранулі двухбаковыя адносіны.
Прэс-сакратар расійскага лідэра адзначыў, што прэзідэнты дзвюх краін правялі ў Санкт-Пецярбургу грунтоўнуюразмову, выпрацавалі крокі ў сферах мытнай сферы, энергетыкі і падаткаў.
Таксама Пяскоў падкрэсліў, што Пуцін і Лукашэнка дамовіліся аб аб'ёмах крэдытнай падтрымкі ў сувязі з падатковым манеўрам ў Расіі.
"Вырашана, што цана на газ для Беларусі ў 2022 годзе не будзе індэксавацца, захаваецца на ўзроўні 2021-га", - сказаў ён.
У цяперашні час рэспубліка плаціць за расійскі газ 128,5 долара за тысячу кубаметраў: дамоўленасць аб такім кошце была дасягнута ў снежні 2020-га паміж беларускімі ўладамі і ПАТ "Газпрам". У той жа час тады Лукашэнка, каментуючы пагадненне, заявіў, што цана на "блакітнае паліва" ва ўмовах адносін Беларусі і Расіі "магла б быць больш справядлівай".
Чытайце таксама:
Лукашэнка: Беларусь вытрымае санкцыі Захаду
Пуцін: нягледзячы на санкцыі знешні доўг Беларусі скараціўся на 2,5%
Пуцін: Расія акажа дапамогу Беларусі ва ўмовах санкцый