Экстрэмальная сітуацыя з надвор'ем на паўднёвым захадзе Германіі прывяла да моцнай паводкі. Па меншай меры 20 чалавек загінулі і яшчэ 70 прапалі без вестак. Каля 200 тысяч аб'ектаў нерухомасці таксама засталіся без электрычнасці. Выратавальныя аперацыі былі абцяжараны з-за таго, што ў частцы рэгіёнаў на паўднёвы захад ад Кёльна былі адключаны тэлефонная сувязь і інтэрнэт.
Ліўневыя дажджы і паводкі парушылі працу чыгуначнага, аўтамабільнага і рачнога транспарту, пры гэтым суднаходства на рацэ Рэйн было прыпынена.
Пасля працяглых ападкаў, якія прынёс з сабой цыклон "Бернд", вада затапіла некалькі гарадоў у паўднёва-заходняй частцы краіны. Больш за ўсё пацярпела федэральная зямля Рэйнланд-Пфальц і Паўночны Рэйн-Вестфалія. Улады абвясцілі надзвычайнае становішча.
Канцлер ФРГ Ангела Меркель заявіла, што ўсхвалявана наступствамі паводак у Германіі.
"Я ўзрушана катастрофай, ад якой пацярпела так шмат людзей у зонах паводкі. Я спачуваю родным загінулых і зніклых без вестак" - прыводзіць заяву Меркель афіцыйны прадстаўнік кабінета міністраў ФРГ Штэфан Зайберт.
Таксама Меркель падзякавала ратавальнікам і персаналу экстраных службаў за іх працу.
Нямецкая метэаралагічная служба фіксуе ў некаторых рэгіёнах Германіі экстрэмальныя ўмовы: моцныя навальніцы і працяглыя ліўні. Чакаецца, што за суткі можа выпасці ад 50 да 200 міліметраў ападкаў на квадратны метр.
Чытайце таксама:
Паводка ў Германіі: прапалі без вестак 1 300 чалавек, загінулі 80
Сіноптыкі б'юць трывогу: узровень вады моцна ўпадзе ў Бярэзіне
Да +34 градусаў: спякота да канца тыдня не спадзе