МІНСК, 20 ліп - Sputnik. Пры наўмысным пашкоджанні аб'ектаў добраўпарадкавання, капітальных пабудоў будзе спаганяцца ўрон у сторазовым памеры, адпаведнае рашэнне Мінгарсавета дэпутатаў ад 4 чэрвеня № 309 было апублікавана на Нацыянальным прававым інтэрнэт-партале.
"Пры наўмысным нанясенні ўрону (шкоды) аб'ектам добраўпарадкавання, капітальным пабудовам (будынкам, збудаванням) арганізацыі забяспечваюць прывядзенне ў належны выгляд названых аб'ектаў, якія знаходзяцца ў iх уласнасцi (гаспадарчым веданні, аператыўным кіраванні), з наступным спагнаннем ва ўстаноўленым парадку ўрону (шкоды) у сторазовым памеры", - гаворыцца ў паведамленні.
Акрамя таго, справа аб адміністрацыйным правапарушэнні будзе накіравана праваахоўнікам.
Пастанова ўступіла ў сілу ў аўторак.
Чаму так?
У верасні 2020-га начальнік упраўлення гарадской гаспадаркі і энергетыкі Мінгарвыканкама Уладзімір Лебедзь заявіў, што шкода, нанесеная Мінску падчас несанкцыянаваных акцый пратэсту, ацэньваецца больш чым у 750 тысяч рублёў.
"У сярэднім гораду ў звычайны будні дзень гэта абыходзіцца прыкладна ў 10 тысяч рублёў. Гэта сума ў разы вырастае пасля выхадных і складае каля 20-30 тысяч. Сюды ўваходзіць уборка тэрыторыі, ліквідацыя несанкцыянаваных надпісаў на фасадах і на іншых элементах. У першыя дні яшчэ білі шыбы ў аўтобусах, спальвалі смеццевыя бакі, лаўкі пераварочвалі", - казаў ён тады.
На той момант камунальнікам прыходзілася зафарбоўваць штодня каля 100 квадратных метраў надпісаў і графіці.
Тады частку выдаткаў удавалася паменшыць за кошт прыцягнення да адміністрацыйнай адказнасці парушальнікаў. Іх абавязвалі выплачваць штрафы і кампенсаваць нанесеную гораду шкоду.