МІНСК, 26 ліп – Sputnik. У бліжэйшы час будзе прынята рашэнне па вытворчасці вакцыны сумесна з Кітаем, заявіў пасол Беларусі ў Кітаі Юрый Сянько ў эфіры СТБ.
Цяпер беларускі бок дамовіўся аб вытворчасці расійскай вакцыны "Спутник V". Пры гэтым расійскія спецыялісты ажыццяўляюць тэхналагічны кантроль кожнай выпушчанай на беларускай тэрыторыі партыі прэпарату.
Беларускі дыпламат нагадаў, што афіцыйны Пекін толькі за першыя паўгода накіраваў у рэспубліку 400 тысяч доз вакцын кампаніі Sinopharm.
"Яна вельмі запатрабаваная, яна каціруецца як вакцына з вельмі высокай эфектыўнасцю", - распавёў Юры Сянько.
Пасля чаго дадаў, што беларускае Міністэрства аховы здароўя вядзе перамовы аб закупцы камерцыйнай партыі тавару, але пры гэтым будуць прадастаўлены пэўныя добрыя скідкі.
"Мы спадзяемся, што ў бліжэйшы час будзе падпісаны кантракт, і ў Рэспубліку Беларусь, думаю, ужо да канца жніўня гэтага года будзе накіравана каля мільёна доз вакцыны, якія будуць размеркаваны па клініках для далейшага вакцынавання нашага насельніцтва", - удакладніў кіраўнік беларускай дыпмісіі.
Пры гэтым ён звярнуў увагу, што зараз вядуцца перамовы з трыма кітайскімі кампаніямі, якія вырабляюць вакцыны. "Мы спадзяемся, што таксама ў бліжэйшы час будзе прынята рашэнне па вытворчасці вакцыны сумесна з Кітаем на тэрыторыі Рэспублікі Беларусь".
Чытайце таксама:
Да поўнай перамогі над COVID-19: Кітай працягне пастаўляць вакцыны ў Беларусь
Другая партыя кітайскай вакцыны ад COVID прыбыла ў Беларусь
СААЗ не выключае штучнае паходжанне каронавіруса
Колькі будзе каштаваць вакцынацыя дарослага насельніцтва свету, падлічылі ў СААЗ