МІНСК, 28 ліп - Sputnik. Найстарэйшы Герой Савецкага Саюза Васіль Мічурын адзначае 105 гадоў, з юбілеем яго павіншаваў кіраўнік дзяржавы Аляксандр Лукашэнка, паведамілі ў прэс-службе прэзідэнта.
Паводле слоў беларускага лідэра, Мічурын - чалавек-легенда, а яго жыццё - прыклад для будучых пакаленняў, "яркі ўзор самаахвярнай любові да Радзімы, сілы духу і нязломнай волі".
"За плячыма вялікі годны жыццёвы шлях - воіна-франтавіка, грамадзяніна, патрыёта, сем'яніна. Прайшоўшы праз неймаверныя выпрабаванні, вы змаглі захаваць у сабе лепшыя чалавечыя якасці - жыццялюбства, дабрыню, спагадлівасць, справядлівасць, сумленнасць і прыстойнасць, - гаворыцца ў віншавальнай тэлеграме.
Лукашэнка падзякаваў ветэрана за ўсё, што ён зрабіў для абароны, захавання і развіцця Айчыны і пажадаў Васілю Мічурыну здароўя, дабрабыту і ўсяго самага найлепшага.
Пасланне прэзідэнта і падарунак ад кіраўніка дзяржавы найстарэйшаму Герою Савецкага Саюза перадаў начальнік Генеральнага штаба Узброеных Сіл - першы намеснік Міністра абароны Беларусі генерал-маёр Віктар Гулевіч.
Васіль Мічурын у 24 гады
© Photo : Министерство обороны Республики Беларусь
Васіль Мічурын нарадзіўся ў Кастрамской губерні Расіі 28 ліпеня 1916 года. Удзельнік савецка-фінскай і Вялікай Айчыннай вайны, кулямётчык. Найстарэйшы Герой Савецкага Саюза (атрымаў званне ў 1940 годзе), палкоўнік у адстаўцы. У яго два сыны, тры ўнучкі і ўнука і чацвёра праўнукаў.
На сённяшні дзень у Беларусі засталося два Героя Савецкага Саюза: Васіль Мічурын і Іван Кустаў.
Чытайце таксама:
Вялікая Айчынная вачамі фотакарэспандэнтаў Саўінфармбюро
Памяць і смутак: 80 гадоў таму пачалася Вялікая Айчынная вайна
Міфы і легенды Другой сусветнай вайны