МІНСК, 30 ліп - Sputnik. Дадатковыя сілы Еўрапейскага агенцтва памежнай і берагавой аховы (Frontex) - 60 афіцэраў пастаяннага корпуса прыбылі ў Літву на мяжу з Беларуссю, паведамілі ў пятніцу ў прэс-службе структуры.
Раней у ліпені месяцы літоўскія ўлады звярнуліся ў Frontex з просьбай аб падтрымцы ў рэгуляванні сітуацыі з мігрантамі на літоўска-беларускай мяжы.
"Усяго ў Літве зараз знаходзіцца 100 афіцэраў, 30 патрульных машын і два верталёты. На наступным тыдні Вільнюс наведаюць эксперты Еўрапейскага цэнтра па вяртанні Frontex, якія падзеляцца інфармацыяй аб тыпах аперацый па вяртанню і абмяркуюць магчымую падтрымку Frontex", - сказалі ў агенцтве.
Там таксама ўдакладнілі, што афіцэры пастаяннага корпуса будуць працаваць з літоўскімі калегамі, дапамагаючы ім у правядзенні пагранічнага назірання, рэгістрацыі, ідэнтыфікацыі і праверцы нелегальных мігрантаў, якія перасякаюць мяжу.
Міграцыйны крызіс у Літве
Па апошніх дадзеных Службы аховы дзяржмяжы Літвы, з пачатку года ў рэспубліцы на рубяжах з Беларуссю затрымалі ўжо больш за тры тысячы мігрантаў. Большасць з іх - грамадзяне Ірака і іншых краін Блізкага Ўсходу і Афрыкі.
З-за наплыву нелегалаў у краіне ўведзены рэжым НС. Улады будуюць загароду з калючага дроту на мяжы, каб хоць неяк перашкодзіць праходжанню нелегалаў з беларускай тэрыторыі.
У міграцыйным крызісе Вільнюс вінаваціць Мінск. У сваю чаргу, беларускія ўлады ўжо заяўлялі, што спраўляюцца з аховай мяжы ў належнай меры. А прэзідэнт Беларусі Аляксандр Лукашэнка пасля санкцый з-за вымушанай пасадкі самалёта Ryanair заявіў, што цяпер суседзі будуць самі ажыццяўляць кантроль за наркатрафікам і незаконнай міграцыяй на мяжы з рэспублікай.
Чытайце таксама:
Міграцыйны крызіс у Літве: хто вінаваты?
"Гуманітарка" ў выглядзе калючага дроту: Украіна вызвалася дапамагчы Літве
Літва можа ўвесці надзвычайнае становішча на мяжы з Беларуссю