МІНСК, 1 жні – Sputnik. Нацыянальная зборная Беларусі па футболе згуляе ў Казані вераснёўскія матчы адборачнага турніру чэмпіянату свету 2022 года, паведамляецца на сайце УЕФА.
Паядынкі супраць каманд Уэльса і Бельгіі пройдуць на стадыёне "Цэнтральны" ў сталіцы Татарстана. Сустрэча з валійцамі, запланавана на 5 верасня (пачатак у 16:00 па мінскім часе), з бельгійцамі – 8-га верасня (21:45).
Беларусам у рамках адбору на ЧС трэба будзе правесці яшчэ хатні матч супраць зборнай Чэхіі 11 кастрычніка. Аднак месца правядзення гульні пакуль не вызначана.
Зборная Беларусі ў адборы на сусветнае першынство выступае ў групе E, дзе, акрамя каманд Бельгіі, Чэхіі і Уэльса, яшчэ гуляе зборная Эстоніі.
Пасля двух тураў беларусы займаюць чацвёртае месца ў групе, набраўшы тры ачкі. Бельгійцы лідзіруюць у групе (7 ачкоў; 3 гульні), на другім радку размяшчаюцца чэхі (4; 3), на трэцім - валійцы (3; 2), на пятым - эстонцы (0; 2).
Дарэчы, беларускія клубы - брэсцкае "Дынама", жодзінскае "Тарпеда-БелАЗ" і салігорскі "Шахцёр" - у Лізе канферэнцый таксама праводзілі хатнія матчы на выездзе. Гэта звязана з праблемамі авіязносін паміж Беларуссю і краінамі ЕС.