МІНСК, 11 жні – Sputnik. Інфляцыя ў Беларусі за перыяд са студзеня па ліпень склала 5,9%, паведамляе Белстат.
Цэны на прадукты харчавання ад пачатку года выраслі на 5,7% і знізіліся на 0,2% за ліпень, цэны на нехарчовыя тавары - на 6,7% і 0,4%, на розныя паслугі - на 5,3% і 0,2% адпаведна.
"Індэкс спажывецкіх цэн на тавары і паслугі ў ліпені 2021 года ў параўнанні з чэрвенем 2021 года склаў 100,1%, са снежнем 2020 года - 105,9%", - гаворыцца ў паведамленні Белстата.
Раней прэм'ер-міністр Раман Галоўчанка заяўляў, што чаканы ўзровень інфляцыі на 2021 год складае не больш за 5,5%.
Аднак у Нацбанку паведамілі, што прагназуюць інфляцыю ў краіне па выніках бягучага года на ўзроўні 9%.
Там таксама падкрэслілі, што гэтая дынаміка абумоўлена інфляцыйнымі працэсамі, якія ўжо адбыліся.
У фінансавым рэгулятары адзначылі, што да канца 2022 года гадавая інфляцыя наблізіцца да 6%. Таму Нацбанк і ўрад працягнуць працу па замацаванню гэтага паказчыка ў сярэднетэрміновай перспектыве на ўзроўні 5%.
Нагадаем, паводле афіцыйнай статыстыкі, інфляцыя ў рэспубліцы па выніках 2020 года склала 7,4%.
Чытайце таксама:
Рост эканомікі Беларусі запаволіцца ў другой палове 2021 года - ЕАБР
Нацбанк павысіў стаўку рэфінансавання
МАРГ патлумачыў, чаму ў Беларусі так разагналася інфляцыя
ЕАБР ацаніў рызыкі паскарэння інфляцыі ў Беларусі з-за санкцый
Лукашэнка: Беларусь вытрымае санкцыі Захаду