МІНСК, 12 жні – Sputnik. Міністр адукацыі Беларусі Ігар Карпенка лічыць, што яшчэ за некалькі гадоў да прэзідэнцкіх выбараў вакол сістэмы адукацыі ўжо былі сфарміраваныя пэўныя групы камерцыйных інтарэсаў.
Паводле яго слоў, яшчэ да жніўня мінулага года быў прыкметны актыўны пошук уразлівых кропак у сістэме айчыннай адукацыі і стварэнне ў ёй апорных кропак пратэсту.
"Сярод іх - спроба выкарыстаць нелегальныя прыватныя школы ў палітычных мэтах, пашырэнне сеткі арганізацый па тыпу "коласаўскага ліцэя "без ліцэнзіі", - прыводзіць словы міністра выданне "СБ. Беларусь Сегодня".
"Прапановы аб ліцэнзаванні для навядзення парадку ў гэтым асяроддзі ўносіліся намі як мінімум з 2018 года, аднак сустракалі супраціўленне практычна на ўсіх узроўнях, у першую чаргу з боку Мінэканомікі, што было звязана ў тым ліку з лібералізацыяй дзейнасці ІП", - заявіў міністр.
Паводле яго слоў, асобныя структуры называлі сябе "школай", а на самай справе былі альбо грамадскай альбо рэлігійнай арганізацыяй, што давала магчымасць прынізіць падаткі, плаціць супрацоўнікам у канвертах.
У выніку, паводле яго слоў, у 2018-2019 гадах вакол сістэмы адукацыі ўжо былі сфарміраваны пэўныя групы камерцыйных інтарэсаў.
Падзеі восені 2020-га паказалі, што менавіта сетку паўлегальных прыватных арганізацый спрабавалі выкарыстаць для стварэння паралельных адукацыйных структур, каб адысці ад кантролю і выхаваўчай работы, стварыць працоўныя месцы для актывістаў апазіцыі, лічыць міністр.
Чытайце таксама:
"Добры дзень, Расія!": Беларускія школьнікі адправіліся на вучобу ў Маскву
Ніякага недабору курсантаў не было - начальнік Акадэміі МУС
Павелічэнне квот і СНД у прыярытэце: якія змены чакаюць "Рассупрацоўніцтва"
Названы самыя папулярныя спецыяльнасці ў абітурыентаў у Беларусі: гэта не IT
Куды паступаць: беларуска распавяла пра плюсы навучання ў Расіі