МІНСК, 16 жні - Sputnik. У Беларусі з'явіцца электронная база кіроўцаў і транспартных сродкаў, змены ва ўказ "Аб пытаннях аўтамабільных перавозак пасажыраў" ухваліў прэзідэнт, паведаміў журналістам пасля даклада кіраўніку дзяржавы міністр транспарту і камунікацый Аляксей Аўраменка.
Нагадаем, што ўказ прадугледжвае ўвядзенне рэгістрацыйных карт транспартных сродкаў (за гэта трэба будзе заплаціць дзяржпошліну 58 рублёў), карты допуску кіроўцы і дыспетчара таксі (дзяржпошліна ў памеры 2900 рублёў). У ведамстве лічаць, што новыя падыходы дазволяць навесці парадак у сферы таксі і засцерагчы пасажыраў.
"Калі кіроўца хоча працаваць, у яго павінна быць заведзеная картка ўліку, дзе будуць фіксавацца ўсе парушэнні, праходжанне тэхнічнага агляду транспартнага сродку, адпаведнасць транспартнага сродку. Тым самым не будзем дапускаць да перавозак нявопытных вадзіцеляў", - растлумачыў ён.
Аўраменка удакладніў, што Беларусь фактычна ідзе па шляху Масквы і Маскоўскай вобласці, дзе з 14 жніўня зарабілі змены: цяпер без ID-карты там нельга ўладкавацца таксістам.
"Сёння рынак да канца не ўрэгуляваны з пункту гледжання наяўнасці транспартных сродкаў, кампаній, якія працуюць. Маецца на ўвазе ўсё гэта рабіць у электронным выглядзе. То бок будзе электронная база з кіроўцамі, транспартнымі сродкамі", - адзначыў кіраўнік Мінтранса пасля нарады ў прэзідэнта.