Літва заявіла пра правакацыю беларускіх сілавікоў: ахову мяжы ўзмоцняць

МІНСК, 18 жні - Sputnik. Улады Літвы ўзмоцняць ахову мяжы з Беларуссю з-за дванаццаці беларускіх сілавікоў, якія нібыта незаконна перасеклі дзяржмяжу з балтыйскай рэспублікай, заявіла міністр унутраных спраў Агне Білатайтэ.

Кіраўнік ведамства падкрэсліла, што Літва не збіраецца мірыцца з дзёрзкай правакацыяй беларускіх афіцыйных асоб, якія нібыта парушылі мяжу з Літвой.

"Мы неадкладна адрэагавалі на правакацыю і прынялі рашэнне аб дадатковым узмацненні аховы мяжы", - цытуе МУС Білатайтэ.

Улады балтыйскай рэспублікі завілі, што іх памежнікі таксама зафіксавалі незаконныя дзеянні беларускіх службовых асобаў на відэа і праінфармавалі ГПК РБ.

"Сёння ў Шальчынінкайскім раёне на ўчастку, што знаходзіцца ў падпарадкаванні памежнай станцыі Гінтарас Жагуніс, беларускія сілавыя структуры, узброеныя шчытамі і сродкамі барацьбы з беспарадкамі, сілком упіхнулі групу з 35 нелегальных мігрантаў у Літоўскую Рэспубліку і самі зайшлі на тэрыторыю Літвы", - гаворыцца ў заяве .

Кіраўнік МУС даручыла ўзмацніць пільнасць на мяжы. Акрамя таго, літоўскія праваахоўнікі заявілі, што за апошні час на беларуска-літоўскай мяжы - гэта не першы інцыдэнт.

Дзяржпагранкамітэт Беларусі сітуацыю пакуль не каментуе.

Тэма нелегальных мігрантаў на мяжы Беларусі і суседніх краін стала актуальная некалькі месяцаў таму.

Літва, Латвія і Польшча заяўляюць аб павелічэнні колькасці мігрантаў, якіх затрымліваюць на мяжы з Беларуссю.

Урад Польшчы паведаміў, што ўзмацняе ахову на мяжы, а таксама мае намер змяніць закон аб іншаземцах, адаптаваўшы яго да сітуацыі, якая склалася. У прыватнасці, будзе спрошчана працэдура разгляду па справах аб незаконным перасячэнні дзяржмяжы.

Улады Латвіі з 11 жніўня ўвялі рэжым надзвычайнай сітуацыі, ён будзе дзейнічаць да 10 лістапада. У адпаведнасці з ім латвійскія памежнікі могуць ужываць сілу і спецсродкі, каб вяртаць нелегальных мігрантаў на беларускую тэрыторыю.

Літоўскія ўлады абвясцілі сітуацыю з мігрантамі экстрэмальнай. Вільнюс паведаміў аб намеры пабудаваць плот на мяжы з Беларуссю. Прыблізны кошт 508-кіламетровага загароды - 150 мільёнаў еўра.

Пра тое, што Мінск больш не будзе стрымліваць паток нелегальных мігрантаў у краіны Еўрасаюза, раней паведаміў прэзідэнт Беларусі Аляксандр Лукашэнка. Паводле яго слоў, з-за санкцый Захаду на гэта цяпер няма "ні грошай, ні сіл".

У Дзяржпагранкамітэце Беларусі неаднаразова паведамлялі пра факты гвалтоўнага выправаджэння мігрантаў з тэрыторыі Польшчы, Літвы.