МІНСК, 19 жні - Sputnik. Дзеці з Сірыі прыляцелі на аздараўленне ў Беларусь, у нацыянальным аэрапорце іх сустрэлі супрацоўнікі НДЦ "Зубраня", паведаміла прэс-служба Мінадукацыі.
Дзеці ўжо наведалі сталічны аквапарку "Лябяжы", дзе змаглі пракаціцца на водных атракцыёнах, таксама для іх арганізавалі аглядную экскурсію па Мінску.
Далей дзеці будуць адпачываць у Нацыянальным дзіцячым адукацыйна-аздараўленчым цэнтры "Зубраня". Праграма знаходжання насычаная: туды ўключаны санаторна-аздараўленчыя паслугі на базе лагера і экскурсійна-культурныя мерапрыемствы ў Мінску і рэгіёнах.
Як паведамлялася, з рэзервовага фонду для аздараўлення дзчцей з Сірыі і Узбекістана ў Беларусі былі выдзелены сродкі. Такое рашэнне прыняў прэзідэнт краіны Аляксандр Лукашэнка.
Плануецца, што гэта будзе спрыяць развіццю двухбаковага супрацоўніцтва з Сірыяй і Узбекістанам ў гуманітарна-адукацыйнай сферы, папулярызацыі гісторыі і культуры нашай краіны, а таксама ўмацаванню пазітыўнага іміджу Беларусі за мяжой.
Пачынаючы з 2015 года, Беларусь кожны год аказвае дапамогу Сірыі, у прыватнасці, штогод у рэспубліку прыязджаюць на аздараўленне сірыйскія дзеці.