МІНСК, 20 жні - Sputnik. Стралковы батальён тэрытарыяльных войскаў Баранавіцкага раёна створаць у рамках вучэнняў "Захад-2021", яго фарміраванне пачалося 20 жніўня, паведаміла прэс-служба Мінабароны.
З ваеннаабавязанымі правядуць заняткі па абыходжанню з розным узбраеннем, выкананню інжынерных мерапрыемстваў, аказанні меддапамогі і парадку выканання задач батальёна.
Акрамя таго, стралковы батальён разам са злучэннямі і вайсковымі часцямі УС адпрацуе сумеснае процідзеянне незаконным узброеным фарміраванням і дыверсійна-разведвальным групам.
Таксама ў спісе выкананне баявых задач са злучэннямі і вайсковымі часцямі сухапутных войскаў, падрыхтоўка і вядзенне абароны населенага пункта.
Падчас вучэнняў "Захад-2021" на тэрыторыі Беларусі будзе ўдзельнічаць 12,8 тысячы чалавек, у тым ліку каля 2,5 тысячы вайскоўцаў з Расіі і да 50 казахстанскіх са складу КСАР АДКБ, да 350 адзінак бранятанкавай тэхнікі, у тым ліку каля 140 танкаў, каля 110 адзінак артылерыі і РСЗА, больш за 30 самалётаў і верталётаў.
Як распавёў дзяржаўны сакратар Савета бяспекі Аляксандр Вальфовіч, вучэнне будзе насіць толькі абарончы характар.
Паводле яго слоў, падчас "Захаду-2021" будзе адпрацаваны сцэнар, калі адбылося абвастрэнне міжнародных супярэчнасцяў да ўзроўню, здольнага прывесці да дэстабілізацыі абстаноўкі ў рэгіёне, а таксама развязванню агрэсіі супраць Саюзнай дзяржавы.
Чытайце таксама:
Знішчыць тэрарыстаў: Савет бяспекі раскрыў задуму вучэнняў "Захад-2021"
Латвія асцерагаецца "інцыдэнтаў" паміж Расіяй і НАТА на фоне вучэнняў "Захад-2021"
Як будзе праходзіць "Захад-2021", распавялі ў Мінабароны Беларусі