МІНСК, 5 вер – Sputnik. Гульні краін СНД пасадзейнічаюць умацаванню міжнароднага гуманітарнага супрацоўніцтва, заявіў прэзідэнт РФ Уладзімір Пуцін у прывітальнай тэлеграме ўдзельнікам спартыўных спаборніцтваў у Казані.
Урачыстае адкрыццё першых Гульняў краін СНД адбылося ў Казані 4 верасня.
"Лічу ідэю арганізацыі Гульняў важнай і запатрабаванай ініцыятывай, закліканай аб'яднаць моладзь СНД вакол каштоўнасцей фізічнай культуры, здаровага і актыўнага ладу жыцця. І вядома, правядзенне гэтых маштабных спаборніцтваў будзе садзейнічаць умацаванню міжнароднага гуманітарнага супрацоўніцтва", - заявіў Уладзімір Пуцін.
Расійскі лідар упэўнены, што Гульні дазволяць маладым спартсменам прадэманстраваць валявы характар і пераможны настрой, а таксама ацаніць свае здольнасці і фізічную падрыхтоўку напярэдадні прэстыжных сусветных стартаў, Алімпійскіх гульняў.
"Са свайго боку адзначу - мы зробім усё магчымае, каб першыя Гульні краін СНД прайшлі на самым высокім узроўні, сталі сапраўдным святам для ўдзельнікаў і балельшчыкаў, запомніліся натхненнем сумленнай спартыўнай барацьбы і яркімі эмоцыямі на трыбунах", - дадаў кіраўнік расійскай дзяржавы.
Спаборніцтвы ў рамках Гульняў краін СНД пачаліся напярэдадні. Беларускія атлеты ўжо заваявалі 14 узнагарод (2 залатыя, 6 сярэбраных і 6 бронзавых). У Расіі - 33 медалі (21, 6, 6).
Чытайце таксама:
Пуцін узнагародзіў расійскіх спартсменаў - чэмпіёнаў Алімпіяды ў Токіа
У зборнай Расіі - пятае месца ў медальным заліку Алімпіяды ў Токіа
Плывец Бокій вярнуўся на радзіму з пяццю залатымі медалямі Паралімпіяды
Лукашэнка перасцярог ад правалу на Алімпіядзе ў Парыжы
Ад 22 да 7 медалёў: хроніка выступленняў беларусаў на летніх Алімпіядах