МІНСК, 9 вер – Sputnik. Прыняцце саюзных праграм будзе прарывам, заявіў прэзідэнт Беларусі Аляксандр Лукашэнка на сустрэчы з расійскім лідарам Уладзімірам Пуціным у Крамлі.
Ён выказаў надзею на тое, што лідары дзвюх краін добра папрацуюць, нягледзячы на тое, што працы засталося менш, чым у мінулыя сустрэчы, якія былі ў тым ліку і па 5-8 гадзін.
"Таму што тады даводзілася нам, можна сказаць, як "бульдозеры" праходзіць, каб расчысціць дарогу для урадаў і экспертаў. Яны ж папрацавалі, але ўвесь час натыкаліся на праблемы, якія не маглі вырашыць", - сказаў Лукашэнка.
Таксама ён назваў рускіх і беларусаў практычна адзіным народам "ад аднаго кораня".
Паводле яго слоў, магчыма праграмы падпішуць у кастрычніку, каб пакуль даць час іх разгледзець на экспертным урадавым узроўні.
"Гэта будзе прарыў, прарыў у многіх сферах - гэта не таямніца, мы апублікуем гэтыя праграмы, пакажам, па якіх напрамках мы працавалі. Але вы маеце рацыю: больш за тры гады таму мы пачалі гэтую з вамі працу, паставілі задачу перад урадамі, і, я спадзяюся, мы паспяхова вырашылі гэтую задачу", - дадаў Лукашэнка.
Што сказаў Пуцін
Расійскі лідар адзначыў, што ўсе дамоўленасці, якія атрымаецца дасягнуць, "не звязаны з якой-небудзь бягучай палітычнай кан'юнктурай у нашых краінах альбо з палітычным календаром напярэдадні нашых парламенцкіх выбараў у Расіі".
Таксама расійскі прэзідэнт звярнуў увагу на тое, што ў паслякавідны перыяд вельмі важна знайсці дадатковыя рэсурсы для эфектыўнасці эканомік і павышэння канкурэнтаздольнасці.
"Але мне здаецца, мы на правільным шляху. Зараз абмяркуем гэта ўсё, пагаворым", - сказаў Пуцін.
Расійскі лідар падкрэсліў, што гэта ўсё падахвочвае да актывізацыі намаганняў Расіі і Беларусі, каб падняць канкурэнтаздольнасць эканомік і зрабіць усё для выкарыстання па максімуму тых пераваг, якія дае Саюзная дзяржава.
Чытайце таксама:
Што будуць абмяркоўваць Пуцін і Лукашэнка ў Маскве?
Лукашэнка расказаў, што будзе абмяркоўваць з Пуціным
Беларусь і Расія выканаюць саюзныя праграмы да 2025 года - віцэ-прэм'ер
Галоўчанка і Мішусцін абмеркавалі гандлёва-эканамічнае супрацоўніцтва
Лукашэнка расказаў, калі падпіша саюзныя праграмы з Расіяй