МІНСК, 19 вер - Sputnik. Расійскі эстрадны артыст Кай Метаў трапіў у аварыю ў Беларусі, падрабязнасці таго, што адбылося распавялі ва УУС Мінаблвыканкама.
ДТЗ адбылося напярэдадні ўвечары на трасе Мінск - Гродна. У абласны цэнтр Метаў ехаў для таго, каб выступіць на Дні горада. Артыст не сам кіраваў аўтамабілем Toyota, ён знаходзіўся на заднім сядзенні, а за рулём быў мужчына 1977 года нараджэння. Як распавёў сам Метаў, машыну на вялікай хуткасці занесла, і яна ўрэзалася ў слуп.
У зводцы УУС гаворыцца, што кіроўца "не ўлічыў ўмовы надвор'я, не справіўся з кіраваннем і здзейсніў наезд на асвятляльную мачту".
Пасля ўдару аўтамабіль вылецеў у кювет. На шчасце, сур'ёзна ніхто не пацярпеў, аднак кіроўца і пасажыры былі шпіталізаваны для абследавання.
Выканаўца пазней выйшаў на сувязь і распавёў, што быў на медабследаванні, і па словах лекараў, у яго ўсё ў парадку.
Кай Метаў (Кайрат Метаў) - савецкі і расійскі аўтар-выканаўца і кампазітар, які мае званне заслужанага артыста Расіі. Папулярным ён стаў дзякуючы дэбютнаму альбому "Position № 2", які выйшаў у 1993 годзе.