МІНСК, 12 кас - Sputnik. Мерапрыемствы, прымеркаваныя да 60-годдзя Беларускага фонду міру, праходзяць сёння ў Мінску. У Нацыянальны акадэмічны Вялікі тэатр оперы і балета прыбылі прадстаўнікі Фонду з усёй краіны. Акрамя гэтага, сярод прысутных кіраўнікі ўсіх чатырох асноўных рэлігійных канфесій Беларусі, шэраг паслоў, у тым ліку Расіі Яўген Лук'янаў.
Як адзначыў кіраўнік Беларускага фонду міру Максім Місько, размаўляючы з прэсай перад пачаткам ўрачыстай часткі і канцэрту, БФМ - гэта яскравы прыклад таго, як могуць быць аб'яднаны намаганні дзяржавы, грамадзянскага таварыства, грамадскіх аб'яднанняў, бізнесу.
Кіраўнік Беларускага фонду міру Максім Місько
© Sputnik / Виктор Толочко
"Аб'яднаўшыся, мы можам вырашыць практычна любую задачу", - падкрэсліўМісько.
Ён таксама адзначыў, што Беларускі фонд міру стаў пераемнікам Савецкага фонду міру, а таксама падтрымлівае цесныя адносіны з Расійскім фондам міру.
"Беларускі фонд міру не вырас сам па сабе. Мы сталі пераемнікам Савецкага фонду міру, які існуе і цяпер. І з ім, і з Расійскім фондам міру нас аб'ядноўвае вельмі многае. Мы працуем, супрацоўнічаем, з'яўляецца добрымі сябрамі і паплечнікамі. Таму на нашым мерапрыемстве прысутнічае расійскі пасол Яўген Уладзіміравіч Лук'янаў", - сказаў кіраўнік БФМ Місько, адказваючы на пытанне Sputnik.
Пасол Расіі Яўген Лук'янаў і Мітрапаліт Веніямін
© Sputnik / Виктор Толочко
Беларускі фонд міру з 60-годдзем павіншаваў прэзідэнт Беларусі Аляксандр Лукашэнка, яго віншаванне са сцэны Большага зачытаў намеснік кіраўніка адміністрацыі Максім Рыжанкоў.
Граматы і віншаванні былі ўручаны кіраўніком БФМ дзеячам культуры, мастацтва, дэпутатам, мецэнатам. Сярод узнагароджаных дырыжор Вялікага - Андрэй Анісімаў. Пасля чаго музыкі выканалі "Часы года" Вівальдзі.
Аркестр Вялікага тэатра і яго дырыжор Аляксандр Анісімаў
© Sputnik / Виктор Толочко
Пасля заканчэння мерапрыемства на сцэне Вялікага быў дадзены канцэрт, падчас якога прагучалі самыя вядомыя партыі з опер і былі прадстаўлены балетныя партыі. Канцэрт майстроў мастацтваў адкрыўся паланэзам з Балета "Бахчысарайскі фантан", а завяршыўся "Застольнай песняй" з оперы Вердзі "Травіята".
Пяць цікавых фактаў пра Фонд міру
Беларускі фонд міру з'яўляецца пераемнікам Савецкага фонду міру (1961). Ён быў утвораны ў 1991 годзе.
Першым старшынёй Савецкага фонду міру быў абраны знакаміты пісьменнік Барыс Палявы, чыя "Повесть о настоящем человеке" да гэтага часу лічыцца класікай.
Першым Старшынёй Беларускага фонду міру быў абраны Марат Ягораў - журналіст, літаратар, ветэран Вялікай Айчыннай, чалавек яркага і цікавага лёсу.
За гонар супрацоўнічаць з фондам лічылі для сябе такія слупы беларускай культуры, як пісьменнікі Янка Маўр, Кандрат Крапіва, Іван Мележ, Іван Шамякін, акцёр Мікалай Яроменка, кампазітар Яўген Глебаў.
Беларускі фонд міру ўсе міратворчыя, гуманітарныя, сацыяльныя праграмы ажыццяўляе за кошт грашовых і матэрыяльных ахвяраванняў і спонсарскай дапамогі.