МІНСК, 21 кас - Sputnik. Масква папярэдзіла НАТА, што любы крок па пытанні сяброўства Украіны ў альянсе будзе мець наступствы, заявіў РІА Навіны намеснік міністра замежных спраў РФ Андрэй Рудэнка.
Раней міністр абароны ЗША Лойд Осцін, каментуючы перспектывы сяброўства Кіева ў НАТА, заявіў, што трэція краіны не маюць права вета на ўступленне Украіны ў альянс. Кіраўнік Пентагона пры гэтым дадаў, што сам Вашынгтон падтрымлівае Украіну ў гэтым пытанні.
"Мы лічым, што гэта было б вельмі небяспечным крокам, які вымусіў бы Расію адпаведным чынам рэагаваць", - сказаў Рудэнка.
Намеснік кіраўніка МЗС РФ дадаў, што, так як перамовы вядуцца паміж НАТА і Украінай, то ім вырашаць, "калі і што трэба".
"Але мы іх як бы папярэдзілі, любы крок будзе мець наступствы. НАТА ведае нашу пазіцыю па Украіне", - адзначыў дыпламат.
Вярхоўная Рада Украіны ў снежні 2014 г. адмовілася ад пазаблокавага статусу краіны. Праз два гады ўступленне Кіева ў НАТА было вызначана як мэта знешняй палітыкі дзяржавы. А ў лютым 2019 года ўкраінскі парламент прыняў змены ў Канстытуцыю, замацаваўшы курс краіны ў ЕС і НАТА.