Цырымонія ўступлення на пасаду мітрапаліта Станеўскага адбылася ў Мінску

МІНСК, 23 кас – Sputnik. Цырымонія ўступлення на пасаду арцыбіскупа Мінска-Магілёўскага Іосіфа Станеўскага прайшла ў сталіцы ў суботу.

На гэтую пасаду Іосіф Станеўскі быў прызначаны рашэннем Папы Рымскага 14 верасня гэтага года.

Праз тыдзень пасля ўступлення на пасаду павінна прайсці яшчэ адна важная цырымонія – урачысты ўваход арцыбіскупа Іосіфа Станеўскага ў гістарычны магілёўскі Сабор Успення Дзевы Марыі і святога Станіслава. Яна запланавана на 30 кастрычніка.

Нагадаем, што ў пачатку бягучага года Папа Рымскі прыняў прашэнне аб адстаўцы кіраўніка Каталіцкай царквы ў Беларусі Тадэвуша Кандрусевіча. Апостальскім адміністратарам быў прызначаны біскуп Казімір Велікаселец.

Іосіф Станеўскі нарадзіўся 4 красавіка 1969 года ў вёсцы Заневічы Гродзенскай вобласці.

17 чэрвеня 1995 года ён быў пасвечаны ў святары Гродзенскай дыяцэзіі, у якой пасля выконваў служэнне ў Ваўкавыску.

У 1999 годзе атрымаў ліцэнзію кананічнага права ў Каталіцкім універсітэце ў Любліне. Працаваў выкладчыкам, пазней - рэктарам Вышэйшай духоўнай семінарыі Гродна, суддзёй і памочнікам вікарыя Міждыяцэзіяльнага суда першай інстанцыі.

У лістападзе 2013 года прызначаны дапаможным біскупам Гродзенскай дыяцэзіі, яму таксама было прысвоена званне тытулярнага саветніка Табаікары.