МІНСК, 26 кас - Sputnik. БЧ павялічвае частату курсіравання цягнікоў Мінск-Адлер з 3 па 29 лістапада - праз дзень, паведамілі ў прэс-службе беларускай "чыгункі".
Такую практыку ўжо меў гэты чыгуначны маршрут: з 11 чэрвеня па 11 верасня саставы ездзілі праз дзень.
Змяненні звязаны з добрым попытам пасажыраў: зараз цягнік курсіруе з перыядычнасцю 1 раз у 4 дні. З Мінска і Гомеля цягнік будзе адпраўляцца ў 12:20 і прыбываць у Адлер у 10:49 амаль праз двое сутак - замест цяперашніх 12:32. Такім чынам, час у дарозе складзе 46 гадзін 29 хвілін.
З Адлера цягнік будзе адпраўляцца ў 14:50 (замест 16:08) і прыбываць у Мінск і Гомель згодна з дзейным раскладам. Пасажырамі цягніка могуць стаць толькі грамадзяне Беларусі і Расіі.
На беларускай тэрыторыі цягнік робіць 8 прыпынкаў, на расійскай - 40. Больш за ўсё - ад 30 хвілін да 1 гадзіны - ён стаіць у Гомелі, Бранску, Ялецы, Варонежы, Ліхой і Гарачым Ключы.
Дарэчы, білеты ў гэтым цягніку крыху патаннелі: плацкарт – 196 рублёў 2 капейкі (замест ранейшых 211 рублёў 30 капеек), купэ – 335 рублёў 19 капеек (замест 381 рублі 74 капеек).
У БЧ нагадалі, што ў цягніках міжнародных ліній, якія курсуюць у беларуска-расійскіх зносінах, дзейнічаюць супрацьэпідэмічныя меры - усім пасажырам рэкамендуецца быць у масках на працягу ўсёй паездкі.
У Адлер транзітам праз Мінск таксама ходзіць цягнік з Калінінграда. Ён курсіруе раз на чатыры дні.
Чытайце таксама:
Беларусь хоча аднавіць дакавідны ўзровень пасажырскіх зносін з РФ
РЧ абмяркоўвае з Беларуссю стварэнне сумеснай кампаніі
Больш месцаў зробяць у хуткасных цягніках паміж Мінскам і Масквой