МІНСК, 30 кас - Sputnik. Малдова ў лістападзе будзе закупляць газ у Расіі па цане 450 долараў за 1 тыс. куб. м. Пра гэта паведаміў у суботу на сваёй старонцы ў Facebook віцэ-прэм'ер, міністр інфраструктуры рэспублікі Андрэй Спыну.
"Газпром" і Кішынёў 29 кастрычніка ўзгаднілі ўмовы новага кантракта на пастаўкі газу, а таксама схему пагашэння запазычанасці краіны. Новае пагадненне разлічана на пяць гадоў. Пастаўкі газу пачнуцца 1 лістапада.
"Зыходзячы з бягучай кан'юнктуры рынку, у лістападзе кошт газу складзе прыкладна 450 долараў за 1 тыс. кубаметраў, а затым цана будзе зніжацца ў залежнасці ад цаны на газ на біржах", - заявіў Спыну.
Паводле яго слоў, пры па новым кантракце цана на газ для Малдовы будзе ў два разы ніжэйшая за рыначную.
Спыну таксама адзначыў, што пагадненне з "Газпромом" не ўключае ў сябе палітычных умоў. "Каб пазбегнуць спекуляцый - падпісаны пратакол не прадугледжвае якіх-небудзь палітычных умоў і ніякім чынам не згадвае прыднястроўскі рэгіён", - растлумачыў чыноўнік.
"Што датычыцца доўгу, назапашанага "Малдовагаз", мы дамовіліся правесці незалежны аўдыт гэтага доўгу ў 2022 годзе. На падставе гэтага аўдыту будзе ўстаноўлена сума, і ў нас пройдуць новыя перагаворы па вызначэнню спосабу і тэрмінаў пагашэння гэтай запазычанасці", - сказаў віцэ-прэм'ер .