МІНСК, 31 кас - Sputnik. Аўтамат АКС-74у, з якім прэзідэнт Аляксандр Лукашэнка з'явіўся ля Палаца Незалежнасці ў жніўні 2020 года, стаў экспанатам выставы, пра гэта паведамляе блізкі да прэзідэнта Тэлеgram-канал "Пул Першага".
Акрамя зброі, там прадстаўлена таксама карціна з фрагментам падзей 23 жніўня - на ёй кіраўнік дзяржавы намаляваны з малодшым сынам Мікалаем.
Як тлумачыла прэс-сакратарка кіраўніка дзяржавы Наталля Эйсмант, сам Мікалай у той дзень не адпусціў бацьку аднаго, таму і выйшаў з ім са зброяй у руках падчас жнівеньскіх пратэстаў.
"Прэзідэнт, вядома, прыляцеў абараняць краіну. А Мікалай прыляцеў абараняць бацьку. У гэтым заключаецца сутнасць гэтага моманту. Я вельмі хачу, каб вы правільна гэта разумелі. Ён вельмі дарослы не па гадах", - сказала Эйсмант.
Карціну, дзе намаляваны Аляксандр і Мікалай Лукашэнка з аўтаматамі, падарыла кіраўніку дзяржавы на дзень нараджэння юная мастачка - дачка аднаго з супрацоўнікаў прэзідэнцкай спецслужбы. Па словах прэс-сакратара кіраўніка дзяржавы, дзяўчыне спатрэбілася каля паўгода, каб напісаць карціну.
Аляксандр Лукашэнка даручыў размясціць падарунак у Палацы Незалежнасці.
Акрамя карціны, у экспазіцыі прадстаўлены берэт, форма і сімвал АМАПа, скульптура ад спецназа і сцяг ад патрыётаў Беларусі.