Лава вулкана, вывяржэнне якога пачалося 19 верасня, пакрыла тэрыторыю плошчай больш за 900 гектараў.
На востраве знішчана або сур'ёзна пашкоджана каля 2300 будынкаў.
Вулкан працягвае вылучаць велізарную колькасць магмы, газу і попелу. Акрамя таго, на востраве зафіксавана інтэнсіўная сейсмічная актыўнасць - 23 кастрычніка адбылося моцнае землетрасенне магнітудай 4,9 балы.
Многія будынкі цалкам пахаваны пад грудамі попелу.
Могілкі Лас-Манчас аказаліся засыпаны попелам, з-пад якога тырчаць крыжы і надмагіллі. Патокі лавы спыніліся ўсяго за 200 метраў ад плота.
Мясцовыя жыхары не змогуць сёлета наведаць могілкі ў Дзень Усіх Святых і Дзень мёртвых 1 і 2 лістапада.
Хаця месцы пахаванняў пакуль застаюцца непашкоджанымі, могілкі закрыты. Тут размешчаны адзіны на востраве крэматорый, і зараз целы памерлых трэба перапраўляць на Тэнэрыфе.
Каменная постаць чарапахі ў садзе дома ў Эль-Паса - самае жывое, што засталося.
З пацярпелых раёнаў эвакуіраваны больш за сем тысяч чалавек.
Біёлагі зафіксавалі, што з пачаткам вывяржэння ў паводзінах жывёл назіраліся значныя змены - так, пустальгі пачалі паляваць на іншых птушак, але зараз зноў пераключыліся на звыклых ім паўзуноў.
Менавіта паўзуны аказаліся больш за ўсё закранутымі вывяржэннем, паколькі страцілі магчымасць хавацца пад камянямі ў месцах, залітых патокамі лавы.
Прыкладна 70 кіламетраў дарог на востраве пашкоджаны і ператвораны вулканам у пустыню з попелу.
Вывяржэнне вулкана Кумбрэ-Вьеха з'яўляецца самым разбуральным з усіх узніклых за апошнія пяць стагоддзяў на іспанскім востраве.
Салдаты іспанскай арміі выдаляюць попел з даху дома.
Касіміра Курбела, кіраўнік урада канарскага вострава Гамера, размешчанага недалёка ад востарва Пальма, прапанаваў скінуць бомбу, каб спыніць вывяржэнне вулкана. Такі спосаб ужо выкарыстоўваўся на італьянскай Сіцыліі падчас вывяржэнняў у 1983 годзе і ў 1991-1993 гадах, аднак бомбы не скідаліся з самалётаў, а былі закладзены на зямлі. У выніку лава пацякла ў зададзеным напрамку.